Watch: గుడిలో గంట మోగించిన కుక్క.. వీడియో వైరల్‌

జర్మన్ షెపర్డ్ డాగ్ ఎంతో ఉత్సాహంగా గుడిలోని గంటను మోగించడంపై నెటిజన్లు ఆశ్చర్యం వ్యక్తం చేశారు. ఆ పెంపుడు కుక్క చాలా స్మార్ట్‌ అని ఒకరు ప్రశంసించారు.

న్యూఢిల్లీ: కార్తీక మాసం కావడంతో శివాలయాలతో పాటు అన్ని ఆలయాలకు భక్తులు పోటెత్తుతున్నారు. ఈ నేపథ్యంలో ఒక కుక్క కూడా ఎంతో ఉత్సాహంగా గుడిలోని గంటను మోగించిన వీడియో సోషల్‌ మీడియాలో వైరల్‌ అయ్యింది. సాధారణంగా జంతువులు, ప్రత్యేకించి పెంపుడు జంతువులు చేసే చిలిపి చేష్టలు అందరినీ ఆశ్చర్య పర్చడంతోపాటు నవ్వు పుట్టిస్తాయి. అదే తరహాలో ఒక పెంపుడు కుక్క గుడి గంటలు మోగించి తన ప్రత్యేకతను చాటుకుంది. జర్మన్ షెపర్డ్ డాగ్ ఎంతో ఉత్సాహంగా ఒక ఆలయంలోని గంటను మోగించింది.

కాగా, ట్విట్టర్‌ యూజర్‌ బ్యూటెంగెబిడెన్ శుక్రవారం పోస్ట్‌ చేసిన ఈ వీడియో సోషల్‌ మీడియాలో వైరల్‌ అయ్యింది. ఇప్పటికే పది లక్షల మంది ఈ వీడియోను చూశారు. జర్మన్ షెపర్డ్ డాగ్ ఎంతో ఉత్సాహంగా గుడిలోని గంటను మోగించడంపై నెటిజన్లు ఆశ్చర్యం వ్యక్తం చేశారు. ఆ పెంపుడు కుక్క చాలా స్మార్ట్‌ అని ఒకరు ప్రశంసించారు. చిన్న పిల్లల మాదిరిగా గుడిలోని గంటను మోగించేందుకు అది ఎంతో ఉత్సాహం చూపిందని, ఇలా చేయడం వల్ల అది చాలా సంతోషించినట్లు అది ఊపుతున్న తోక ద్వారా గ్రహించ వచ్చని మరొకరు కామెంట్‌ చేశారు.

https://twitter.com/buitengebieden/status/1591074975855054849?ref_src=twsrc%5Etfw%7Ctwcamp%5Etweetembed%7Ctwterm%5E1591074975855054849%7Ctwgr%5Eab10c078b813b309db87e32204620440f26cc3a7%7Ctwcon%5Es1_c10&ref_url=https%3A%2F%2Fwww.india.com%2Fviral%2Fvideo-of-dog-happily-ringing-temple-bell-goes-viral-netizens-are-loving-it-watch-5741504%2F