ఉత్తరాఖండ్‌లో కరోనా కర్ఫ్యూ పొడిగింపు..

కరోనా కర్ఫ్యూ పొడిగింపు | ఉత్తరాఖండ్‌ రాష్ట్రంలో కొవిడ్‌ ఉధృతి నేపథ్యంలో కర్ఫ్యూను ఆ రాష్ట్ర ప్రభుత్వం మరోసారి పొడిగించింది. మే 25 వరకు కర్ఫ్యూను పొడిగిస్తూ ఉత్తర్వులు జారీ చేసింది.

న్యూఢిల్లీ : ఉత్తరాఖండ్‌ రాష్ట్రంలో కొవిడ్‌ ఉధృతి నేపథ్యంలో కర్ఫ్యూను ఆ రాష్ట్ర ప్రభుత్వం మరోసారి పొడిగించింది. మే 25 వరకు కర్ఫ్యూను పొడిగిస్తూ ఉత్తర్వులు జారీ చేసింది. సోమవారం జరిగిన ఉన్నతస్థాయి సమీక్ష సమావేశంలో ఈ మేరకు ఈ ప్రభుత్వం నిర్ణయం తీసుకున్నట్లు ప్రభుత్వ అధికార ప్రతినిధి సుబోధ్‌ ఉనియాల్‌ తెలిపారు. నేటి ఉదయం 6 గంటల నుంచి మే 25 ఉదయం 6 గంటల వరకు రాష్ట్రంలో లాక్‌డౌన్‌ నిబంధన అమలులో ఉంటుందని ఆయన స్పష్టం చేశారు.

ఆంక్షలు.. మినహాయింపులివే..

1. వివాహ వేడకకు హాజరయ్యేందుకు 20 మందికి మించి అవకాశం లేదు. వేడకకు హాజరుకావాలనుకునే వారు విధిగా 72 గంటలకు ముందు ఆర్టీ-పీసీఆర్‌ పరీక్ష చేయించుకోవాలి.
2. కొవిడ్‌ రోగులకు అత్యవసర పరిస్థితుల్లో వైద్యులను కలిసేందుకు అవకాశం ఉంటుంది. ఇందుకోసం ప్రత్యేక ఈ-పాస్‌లను జారీ చేయనున్నారు.
3. బ్యాంకులు 10 నుంచి 2 గంట వరకే పనిచేస్తాయి. సహా రాష్ట్ర ఆర్థిక సంస్థల్లో పనిచేసే ఉద్యోగులకు ఇదే నిబంధన వర్తిస్తుంది.
4. 55 ఏండ్లు నిండిన పోలీసులకు, గర్భిణులు, ఏడాదికి మించని పిల్లలున్న ఉన్న మహిళా పోలీసులకు విధుల నుంచి మినహాయింపు నిచ్చారు.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి.