NewBorn Baby | చెత్త కుప్పలో దొరికిన శిశువుకు సగం ఆస్తి.. పెద్ద మనసు చాటుకున్న మహిళ

NewBorn Baby | మానవత్వం మరచిన ఓ మహిళ పేగు తెంచుకు పుట్టిన శిశువును చెత్త కుప్ప (Garbage) లో పడేసింది. ఆ తల్లికి భారమైన ఆ చిన్నారిని మరో మహిళ అక్కున చేర్చుకుని తన పెద్ద మనసు చాటుకుంది.

NewBorn Baby | మానవత్వం మరచిన ఓ మహిళ పేగు తెంచుకు పుట్టిన శిశువును చెత్త కుప్ప (Garbage) లో పడేసింది. ఆ తల్లికి భారమైన ఆ చిన్నారిని మరో మహిళ అక్కున చేర్చుకుని తన పెద్ద మనసు చాటుకుంది. చెత్తకుప్పలో దొరికిన ఆ చిన్నారిని చేరదీయడమే కాకుండా.. తన ఆస్తిలోని సగం వాటాను చిన్నారి పేరుమీద రాసేందుకు ముందుకొచ్చింది. ఈ ఘటన ఉత్తరప్రదేశ్‌ (Uttar Pradesh)లోని అలీగఢ్‌ (Aligarh)లో చోటు చేసుకుంది.

స్థానిక స్వర్ణజయంతి నగర్‌ (Swarna Jayanti Nagar) లో నివాసం ఉండే జయప్రకాశ్‌ భార్య లత (Lata) సోమవారం సాయంత్రం పాల కోసం బయటకు వెళ్లింది. రోడ్డుపై నడుచుకుంటూ వెళ్తున్న సమయంలో ఎంప్లాయిస్‌ కాలనీలోని ఖాళీ స్థలంలో ఉన్న ఓ చెత్త కుప్పలో నుంచి చిన్నారి ఏడుస్తున్న శబ్దం వినిపించింది. దగ్గరకు వెళ్లి చూడగా లతకు ఓ నవజాతశిశువు (NewBorn Baby ) కనిపించింది. వెంటనే ఆ చిన్నారిని చేతుల్లోకి తీసుకుని.. శిశువు గురించి చుట్టుపక్కల వారిని ఆరా తీసింది.

ఆ బిడ్డ ఎవరో తమకు తెలియదని స్థానికులు తెలపడంతో ఆ శిశువును ఇంటికి తీసుకెళ్లింది. చిన్నారి ఆలనాపాలనా చూసుకుంది. అనంతరం ఆ బిడ్డను దత్తత తీసుకుని.. తన పేరుమీద ఉన్న ఆస్తిలో సగం వాటాను చిన్నారి పేరుపై రాయనున్నట్లు ప్రకటించింది. ఈ విషయం తెలుసుకున్న కాలనీ వాసులు లత పెద్ద మనసును అభినందించారు. చిన్నారి విషయం పోలీసులకు తెలియడంతో వారు చైల్డ్‌ హెల్ప్‌లైన్‌కు సమాచారం అందించారు.

Also Read..

Heatwave Alert | దేశవ్యాప్తంగా భానుడి భగభగలు.. పలు రాష్ట్రాలకు హీట్‌వేవ్స్‌ హెచ్చరికలు జారీ చేసిన ఐఎండీ

Elon Musk | చాట్‌జీపీటీకి పోటీగా మస్క్‌ ఏఐ చాట్‌బాట్‌.. ప్రకటించిన బిలియనీర్‌

Rishi Sunak | అక్షతను అడ్డుపెట్టుకుని సునాక్‌ను టార్గెట్‌ చేసిన విపక్షాలు.. పార్లమెంటరీ విచారణను ఎదుర్కొంటున్న బ్రిటన్‌ ప్రధాని