ట్రాఫిక్ పోలీస్ సమయానుకూలంగా స్పందించడంతో ఓ నిండు ప్రాణం దక్కింది. బస్సు కింద పడబోతున్న బాలుడిని రక్షించిన పోలీస్ అందరి ప్రశంసలు అందుకుంటున్నాడు. ఈ వీడియో ప్రస్తుతం నెట్టింట వైరల్ అవుతోంది. నెటిజన్లందరూ అతడిని హీరో అని కొనియాడుతున్నారు.
ఈ వీడియోను ఐఏఎస్ అధికారి అవనీశ్ శరణ్ తన ట్విటర్ ఖాతాలో షేర్ చేశారు. ఈ రిక్షా ఒక్కసారిగా యూటర్న్ తీసుకోవడంతో అందులోంచి ఓ బాలుడు రోడ్డుపై పడిపోయాడు. అదే రోడ్డుపై బస్సు వేగంగా వస్తోంది. అక్కడే విధులు నిర్వరిస్తున్న ట్రాఫిక్ పోలీస్ సుందర్లాల్ వెంటనే అప్రమత్తమై బస్సును ఆపాలని కోరడంతోపాటు ఆ బాలుడిని పైకి లేపాడు. ప్రాణాలతో కాపాడాడు. ఆ బాలుడిని తల్లికి అప్పగించాడు. ఈ వీడియోకు ఇప్పటివరకూ 1.7 మిలియన్లకుపైగా వ్యూస్ వచ్చాయి. సుందర్లాల్ సాహసాన్ని నెటిజన్లు పొగుడుతున్నారు.
ट्रैफ़िक पुलिस के जवान सुंदर लाल.🙏 pic.twitter.com/ulmX48a5ki
— Awanish Sharan (@AwanishSharan) June 12, 2022