Tied Up Dogs | కట్టేసిన కుక్కలను వంతెన పైనుంచి నీటిలోకి విసిరేందుకు యత్నం.. అడ్డుకుని రక్షించిన కొందరు

Tied Up Dogs | కొన్ని కుక్కలను తాళ్లతో కట్టేశారు. గోనె సంచుల్లో ఉంచి ఆటోలో వంతెన వద్దకు తీసుకొచ్చారు. ఆ కుక్కలను వంతెన పై నుంచి నదిలోకి పడేసేందుకు ప్రయత్నించారు. అయితే కొందరు వ్యక్తులు వారిని అడ్డుకున్నారు. గోనె సంచుల్లోని కుక్కలను విడిపించి వదిలేశారు.

భోపాల్‌: కొన్ని కుక్కలను తాళ్లతో కట్టేశారు. (Tied Up Dogs) గోనె సంచుల్లో ఉంచి ఆటోలో వంతెన వద్దకు తీసుకొచ్చారు. ఆ కుక్కలను వంతెన పై నుంచి నదిలోకి పడేసేందుకు ప్రయత్నించారు. అయితే కొందరు వ్యక్తులు వారిని అడ్డుకున్నారు. గోనె సంచుల్లోని కుక్కలను విడిపించి వదిలేశారు. మధ్యప్రదేశ్‌లోని సత్నాలో ఈ సంఘటన జరిగింది. శుక్రవారం సాయంత్రం కొందరు వ్యక్తులు ఎలక్ట్రిక్‌ ఆటోలో ఒక వంతెన వద్దకు చేరుకున్నారు. కాళ్లు, నోరు కట్టేసి గోనె సంచుల్లో కుక్కిన పదికిపైగా కుక్కలను వంతెన పైనుంచి నదిలోని నీటిలో పడేసేందుకు ప్రయత్నించారు.

కాగా, అక్కడున్న కొందరు వ్యక్తులు వారిని అడ్డుకున్నారు. ఆ గోనె సంచులను తెరిచారు. అందులో ఉన్న కాళ్లు, నోరు కట్టేసిన కుక్కలను విడిపించారు. కట్లు విప్పి వాటిని వదిలేశారు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది.

మరోవైపు ఈ సంఘటనపై పోలీసులకు ఫిర్యాదు అందింది. దీంతో వైరల్‌ అయిన వీడియో క్లిప్‌ ద్వారా నిందితులను గుర్తించారు. సిటీ కొత్వాలి ప్రాంతంలోని బజ్రహ తోలాలో నివసించే నందు బాసోర్, అతడి సహచరుడు ప్రదీప్ బాసోర్‌పై కేసు నమోదు చేశారు. పరారీలో ఉన్న నిందితులను అరెస్ట్‌ చేసేందుకు పోలీసులు ప్రయత్నిస్తున్నారు.

इन्हे सख्त सजा होनी चाहिए 💥
सतना। कुत्तों के पैर-मुंह रस्सी से बांध कर बोरे में भरकर नदी में फेंकने के प्रयास के मामले में वायरल वीडियो को संज्ञान में लेकर @satna_sp ने दिए कार्रवाई के निर्देश।pic.twitter.com/KB1A2T3MQd

— Adv. Shivam Gupta 🥇 (@iShivamG_) August 3, 2024