Bus roof ripped off by wind | ఈదురు గాలులకు ఊడిన బస్సు టాప్‌.. ప్రయాణికులు షాక్‌

Bus roof ripped off by wind | భారీగా వీచిన ఈదురు గాలులకు ప్రభుత్వ బస్సు టాప్‌ ఊడిపోయింది. (Bus roof ripped off by wind) దీంతో అందులోని ప్రయాణికులు షాక్‌ అయ్యారు. డ్రైవర్‌ వెంటనే బస్సును రోడ్డు పక్కన నిలిపివేశాడు.

చెన్నై: భారీగా వీచిన ఈదురు గాలులకు ప్రభుత్వ బస్సు టాప్‌ ఊడిపోయింది. (Bus roof ripped off by wind) దీంతో అందులోని ప్రయాణికులు షాక్‌ అయ్యారు. తమిళనాడులో ఈ సంఘటన జరిగింది. మంగళవారం చెన్నైతోపాటు పరిసర ప్రాంతాల్లో భారీగా ఈదురు గాలులు వీచాయి. ఈ నేపథ్యంలో పజవేర్కాడు నుంచి సెన్‌గుండ్రం వెళ్తున్న 558 బీ నంబర్‌ గల ఆర్టీసీ సీటీ బస్సు రూఫ్‌ పెద్ద శబ్ధంతో ఊడిపోయింది. ఆ బస్సు పై భాగం ఒక పక్కకు కూలిపోయింది. దీంతో ఆ బస్సులోని ప్రయాణికులు భయాందోళన చెందారు.

కాగా, డ్రైవర్‌ వెంటనే బస్సును రోడ్డు పక్కన నిలిపివేశాడు. దీంతో ఆర్టీసీ సిటీ బస్సులోని ప్రయాణికులు వెంటనే కిందకు దిగిపోయారు. మరోవైపు స్థానికులు పెద్ద సంఖ్యలో ఆ బస్సు వద్దకు చేరుకున్నారు. ఈదురు గాలులకు ఆర్టీసీ సిటీ బస్సు పైభాగం ఊడిపోవడం చూసి ఆశ్చర్యపోయారు. ప్రభుత్వం నిర్వహించే ఆర్టీసీ బస్సుల నాణ్యతను కొందరు ప్రశ్నించారు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది.