Vijayakanth | రెండు సార్లు ఎమ్మెల్యేగా గెలుపొందిన విజ‌య‌కాంత్.. 2011లో ప్ర‌తిప‌క్ష హోదా ద‌క్కించుకున్న కెప్టెన్

Vijaykanth | త‌మిళ న‌టుడు విజ‌య‌కాంత్ ఓ వైపు సినిమాలు చేస్తూనే రాజ‌కీయాల్లోకి అడుగుపెట్టారు. 2005, సెప్టెంబ‌ర్ 14వ తేదీన దేశీయ మురుపొక్కు ద్ర‌విడ ఖ‌జ‌గం(డీఎండీకే) అనే పార్టీని స్థాపించారు. ఈ పార్టీ మ‌ధురైలో పురుడు పోసుకుంది.

Vijayakanth | చెన్నై : త‌మిళ న‌టుడు విజ‌య‌కాంత్ ఓ వైపు సినిమాలు చేస్తూనే రాజ‌కీయాల్లోకి అడుగుపెట్టారు. 2005, సెప్టెంబ‌ర్ 14వ తేదీన దేశీయ మురుపొక్కు ద్ర‌విడ ఖ‌జ‌గం(డీఎండీకే) అనే పార్టీని స్థాపించారు. ఈ పార్టీ మ‌ధురైలో పురుడు పోసుకుంది. 2006లో జ‌రిగిన తమిళ‌నాడు అసెంబ్లీ ఎన్నిక‌ల్లో డీఎండీకే అన్ని స్థానాల్లో పోటీ చేసింది. కానీ విజ‌య‌కాంత్ ఒక్క‌రే నాటి ఎన్నిక‌ల్లో గెలిచి తొలిసారిగా అసెంబ్లీలో అడుగుపెట్టారు. మ‌ళ్లీ 2011 అసెంబ్లీ ఎన్నిక‌ల్లో ఆయ‌న గెలుపొందారు. 2011-16 మధ్య త‌మిళ‌నాడు అసెంబ్లీలో ప్ర‌తిప‌క్ష నాయ‌కుడిగా కొన‌సాగారు. 2006లో విరుధ‌చ‌లం, 2011లో రిషివండియం నియోజ‌క‌వ‌ర్గాల నుంచి ఆయ‌న అసెంబ్లీకి ప్రాతినిధ్యం వ‌హించారు. ఇలా న‌టుడు, పొలిటీషియ‌న్‌గా కాకుండా నిర్మాత‌, ద‌ర్శ‌కుడిగానూ పేరు తెచ్చుకున్నారు.

2011 అసెంబ్లీ ఎన్నిక‌ల్లో అన్నాడీఎంకేతో క‌లిసి పోటీ చేశారు. 41 నియోజ‌క‌వ‌ర్గాల్లో పోటీ చేశారు. 29 స్థానాల్లో గెలుపొంది, ప్ర‌తిప‌క్ష హోదాను పొందారు. నాటి ఎన్నిక‌ల్లో డీఎంకేను ఓడ‌గొట్టేందుకు డీఎండీకే, అన్నాడీఎంకే క‌లిసి తీవ్రంగా శ్ర‌మించాయి. 2014 పార్ల‌మెంట్ ఎన్నిక‌ల సంద‌ర్భంగా డీఎండీకే, బీజేపీతో జ‌త‌క‌ట్టింది. ఆ స‌మ‌యంలో డీఎండీకేకు చెందిన 8 మంది ఎమ్మెల్యేలు త‌మ ప‌ద‌వుల‌కు రాజీనామా చేస్తూ స్పీక‌ర్‌కు లేఖ‌లు అంద‌జేశారు. దాంతో డీఎండీకే ప్ర‌తిప‌క్ష హోదాను కోల్పోయింది.