Supreme Court: సుప్రీంకోర్టును రాజ‌కీయాల్లోకి లాగొద్దు: సీజేఐ సూర్య‌కాంత్‌

Supreme Court : సుప్రీంకోర్టును రాజ‌కీయాల్లోకి లాగొద్దు అని చీఫ్ జ‌స్టిస్ ఆఫ్ ఇండియా సూర్య‌కాంత్ అన్నారు. న్యాయ వ్య‌వ‌స్థ ప‌నితీరుపై ఎవ‌రి ప్ర‌భావం ఉండ‌కూడ‌దు అని ఆయ‌న తెలిపారు. ఎన్నిక‌ల్లో అక్ర‌మాలు జ‌రిగాయ‌ని, సీఈసీ జ్ఞానేశ్ కుమార్‌పై చ‌ర్య‌లు తీసుకోవాల‌ని కోరుతూ ఇండియా కూట‌మి నేత‌లు సుప్రీంకోర్టుకు ర్యాలీ నిర్వ‌హించ‌నున్న నేప‌థ్యంలో ఆయ‌న ఈ వ్యాఖ్య‌లు చేశారు.

డ‌న్యూఢిల్లీ: సుప్రీంకోర్టు(Supreme Court)ను రాజ‌కీయాల్లోకి లాగొద్దు అని చీఫ్ జ‌స్టిస్ ఆఫ్ ఇండియా సూర్య‌కాంత్ అన్నారు. న్యాయ వ్య‌వ‌స్థ ప‌నితీరుపై ఎవ‌రి ప్ర‌భావం ఉండ‌కూడ‌దు అని ఆయ‌న తెలిపారు. ఎన్నిక‌ల్లో అక్ర‌మాలు జ‌రిగాయ‌ని, సీఈసీ జ్ఞానేశ్ కుమార్‌పై చ‌ర్య‌లు తీసుకోవాల‌ని కోరుతూ ఇండియా కూట‌మి నేత‌లు సుప్రీంకోర్టుకు ర్యాలీ నిర్వ‌హించ‌నున్న నేప‌థ్యంలో ఆయ‌న ఈ వ్యాఖ్య‌లు చేశారు. ఢిల్లీలోని విజ్ఞాన్భ‌వ‌న్‌లో జ‌రిగిన జాతీయ మాన‌వ హ‌క్కుల క‌మిష‌న్ 33వ వార్షికోత్స‌వంలో పాల్గొన్న ఆయ‌న మీడియా ప్ర‌తినిధుల‌తో మాట్లాడారు. ఏ రాజ‌కీయ పార్టీతో కోర్టుకు లింకు ఉండ‌ద‌ని, వ్య‌వ‌స్థీకృత విధుల‌ను సుప్రీం అమ‌లు చేస్తున్న‌ట్లు సీజేఐ చెప్పారు. ప్రజాస్వామ్య కార్య‌క్ర‌మాల‌ను స‌జావుగా సాగేందుకు అనుమ‌తి ఇవ్వాల‌ని, సుప్రీంకోర్టు వ్య‌వ‌హారాల‌కు అంత‌రాయం క‌లిగించ‌రాదు అని, లాయ‌ర్లు కానీ, కోర్టు సిబ్బంది కానీ, అర్జీదారుల‌ను ఇబ్బంది పెట్ట‌వ‌ద్దు అని ఆయ‌న అన్నారు.