న్యూఢిల్లీ: ‘పెళ్లి అంటే ఏమిటి?’ అనే అంశంపై ఒక విద్యార్థి రాసిన వ్యాసం చదివితే మీరు నవ్వు ఆపుకోలేరు. అంతగా నవ్వు తెప్పించేలా అతడు ఏం రాశాడంటే… ‘ఒక అమ్మాయి తల్లిదండ్రులు ఆమెతో ఇలా అన్నప్పుడు పెళ్లి జరుగుతుంది. ‘నువ్వు ఇప్పుడు పెద్ద అయ్యావు. ఇక నీకు ఆహారం ఇవ్వలేం. నిన్ను పోషించే వ్యక్తిని వెతుక్కోవడం మంచిది’ అని అంటారు. దీంతో ఆ అమ్మాయి ఒక వ్యక్తిని కలుసుకుంటుంది. ‘నువ్వూ పెద్ద అయ్యావు. ఆమెను పెళ్లి చేసుకోవాలి’ అంటూ అతడి తల్లిదండ్రులు గసురుతారు. దీంతో ఆ ఇద్దరూ (అమ్మాయి, అబ్బాయి) తమను తాము పరీక్షించుకుని సంతోషిస్తారు. అప్పుడు కలిసి జీవించడానికి అంగీకరిస్తారు. ఆ తర్వాత పిల్లలను కనడానికి అర్ధంలేని పని చేయడం ప్రారంభిస్తారు’ అని ఇంగ్లీష్లో రాశాడు. దీంతో సోషల్ టీచర్ ‘నాన్ సెన్స్’ అని దానిపై రాయడంతోపాటు పదికి సున్నా మార్కులు వేశారు. అలాగే ఆ విద్యార్థి తనను కలవమంటూ చివరన రాసిన నోట్లో పేర్కొన్నారు.
కాగా, విద్యార్థి రాసిన జవాబు పత్రం ఫొటోను ఒక యూజర్ ట్విట్టర్లో పోస్ట్ చేయగా సోషల్ మీడియాలో వైరల్ అయ్యింది. ఇది చదివిన నెటిజన్లు నవ్వు ఆపుకోలేక లాఫింగ్ ఇమోజీలతో తెగ స్పందించారు. పెళ్లి గురించి ఆ విద్యార్థి రాసిన వ్యాసాన్ని కొందరు లైక్ చేశారు. సో ఫన్నీ అంటూ కితాబు ఇచ్చారు. ‘స్వచ్ఛమైన నిజాయితీతో కూడిన అమాయకత్వం’ అని మరొకరు వ్యాఖ్యానించారు.
What is marriage? 😂 pic.twitter.com/tM8XDNd12P
— Velu (@srpdaa) October 11, 2022