34 ఏండ్లు.. 57సార్లు బదిలీలు.. అవినీతిపై రాజీలేని పోరాటం చేసిన ఐఏఎస్‌కు ప్రభుత్వం ఇచ్చిన గిఫ్ట్‌ ఇదే!!

అవినీతికి వ్యతిరేకంగా తిరుగులేని పోరాటం చేసిన ఐఏఎస్‌ అధికారిగా దేశవ్యాప్త గుర్తింపు పొందిన అశోక్‌ ఖేమ్కా ఏప్రిల్‌ 30న ఉద్యోగ విరమణ చేశారు. 34 ఏండ్ల తన సుదీర్ఘమైన కెరీర్‌లో ఎక్కడా.. ఎవరి వద్దా రాజీపడకుండా పనిచేసినందుకు ఆయనకు దక్కిన బహుమతి 57 సార్లు బదిలీ ఉత్తర్వులు.

• ఐఏఎస్‌ అధికారి ఖేమ్కా రిటైర్డ్‌
• అవినీతిపై రాజీలేని పోరాటం

న్యూఢిల్లీ, మే 1 : అవినీతికి వ్యతిరేకంగా తిరుగులేని పోరాటం చేసిన ఐఏఎస్‌ అధికారిగా దేశవ్యాప్త గుర్తింపు పొందిన అశోక్‌ ఖేమ్కా ఏప్రిల్‌ 30న ఉద్యోగ విరమణ చేశారు. 34 ఏండ్ల తన సుదీర్ఘమైన కెరీర్‌లో ఎక్కడా.. ఎవరి వద్దా రాజీపడకుండా పనిచేసినందుకు ఆయనకు దక్కిన బహుమతి 57 సార్లు బదిలీ ఉత్తర్వులు. పదే పదే ట్రాన్స్‌ఫర్లతో ఆయన దేశం యావత్తు వార్తల్లో నిలిచిన సంగతి తెలిసిందే. ప్రతి 6 నెలలకోసారి (సగటున) కొత్త పోస్టుకు అశోక్‌ ఖేమ్కాను బదిలీ చేశారు. ఆయన 1991 బ్యాచ్‌ హర్యానా క్యాడర్‌ అధికారి.