రైలులోనుంచి జారిపడిన మహిళ.. కాపాడిన రైల్వే కానిస్టేబుల్‌.. వీడియో

Constable | ఒడిశాలోని భువనేశ్వర్‌లో కదులుతున్న రైలు నుంచి జారిపడిన ఓ మహిళను ఆర్పీఎఫ్‌ కానిస్టేబుల్‌ (Constable) కాపాడాడు. పలాస-కటక్‌ ఎక్స్‌ప్రెస్‌ రైలు భువనేశ్వర్‌ రైల్వేస్టేషన్‌కు వచ్చింది. అయితే

భువనేశ్వర్: ఒడిశాలోని భువనేశ్వర్‌లో కదులుతున్న రైలు నుంచి జారిపడిన ఓ మహిళను ఆర్పీఎఫ్‌ కానిస్టేబుల్‌ (Constable) కాపాడాడు. పలాస-కటక్‌ ఎక్స్‌ప్రెస్‌ రైలు భువనేశ్వర్‌ రైల్వేస్టేషన్‌కు వచ్చింది. అయితే రైలు ఆగకముందే అందులో నుంచి దిగడానికి ఓ మహిళ ప్రయత్నించింది. ఈ క్రమంలో ఆమె పట్టుతప్పి జారిపోయింది. రైలుకు, ప్లాట్‌ఫామ్‌కు మధ్య ఉన్న ఖాళీ ప్రదేశంలోకి పడిపోతుండగా గమనించిన రైల్వే ప్రొటెక్షన్ ఫోర్స్ (ఆర్‌పీఎఫ్) హెడ్ కానిస్టేబుల్ ఎస్ ముండా ఆమెను రక్షించాడు. ఇది స్టేషన్‌లో ఉన్న సీసీటీవీ కెమెరాలో రికార్డయింది.

చాకచక్యంగా వ్యవహరించి మహిళను రక్షించిన కానిస్టేబుల్‌ ముండాను ప్రశంసిస్తూ రైల్వే అడిషనల్ జనరల్ ఆఫ్ పోలీస్ సుధాన్షు సారంగి ట్వీట్ చేశారు. ఆ వీడియోను షేర్‌ చేశారు. దీంతో నెటిజన్లంతా కానిస్టేబుల్‌ను అభినందిస్తున్నారు.

#WATCH | Odisha: Railway Protection Force (RPF) head constable S Munda saved the life of a lady passenger by saving her from falling into the gap between the platform and the train at Bhubaneswar Railway Station yesterday, May 11

(Video Source: Indian Railways) pic.twitter.com/uMiLV4apbs

— ANI (@ANI) May 11, 2022