Lethal weapons | యుద్ధంలో వాడకూడని.. 10 ప్రాణాంతక ఆయుధాలు

మనుషుల ఎముకలను కూడా కాల్చేసే వైట్‌ ఫాస్ఫరస్‌ను లెబనాన్‌ పౌరులపై ఇజ్రాయెల్‌ ప్రయోగించిందని ఆరోపణలు వచ్చాయి. మరోవైపు ఇరాన్‌ కూడా నిషేధిత క్లస్టర్‌ బాంబులు వాడుతున్నట్టు వార్తలు వస్తున్నాయి.

(స్పెషల్‌ టాస్క్‌ బ్యూరో)

మనుషుల ఎముకలను కూడా కాల్చేసే వైట్‌ ఫాస్ఫరస్‌ను లెబనాన్‌ పౌరులపై ఇజ్రాయెల్‌ ప్రయోగించిందని ఆరోపణలు వచ్చాయి. మరోవైపు ఇరాన్‌ కూడా నిషేధిత క్లస్టర్‌ బాంబులు వాడుతున్నట్టు వార్తలు వస్తున్నాయి. ఈ క్రమంలో యుద్ధ సమయాల్లో వాడకూడని పది ఆయుధాలపై చర్చ మొదలైంది.

1. కెమికల్‌ వెపన్స్‌

ఉద్దేశం: గాలి లేదా నీటి ద్వారా ప్రాణాంతక రసాయనాలను చల్లి చంపడం.

నిషేధం : మొదటి ప్రపంచ యుద్ధంలో ప్రయోగిస్తే 13 లక్షల మంది చనిపోయారు. 1979-89లో ఇరాన్‌-ఇరాక్‌ యుద్ధంలో సద్దాం హుస్సేన్‌ వాడాడు. 1988లో ఇరాక్‌ దీన్ని వాడగా 5 వేల మంది పౌరులు మరణించారు. 1993లో నిషేధించారు.

2. వైట్‌ ఫాస్ఫరస్‌

ఉద్దేశం : గాలి ద్వారా పౌడర్‌ లేదా లిక్విడ్‌ను చల్లుతారు. మనుషుల చర్మంపై చేరిన ఇది తొలుత చర్మాన్ని కాల్చి.. ఆ తర్వాత ఎముకలను కూడా దెబ్బతీస్తుంది.

నిసేధం : 1980లో నిషేధించారు. అయితే, తాజాగా లెబనాన్‌పై ఇజ్రాయెల్‌ ప్రయోగించిందనే ఆరోపణలు వచ్చాయి.

3.క్లస్టర్‌ బాంబులు

ఉద్దేశం: వందల సంఖ్యలోని చిన్న బాంబులను లక్షిత ప్రాంతంలో ఒక పెద్ద బాంబుగా వేసి దాడి చేయడం.

నిషేధం: 2008లో నిషేధించారు. అయితే, ఉక్రెయిన్‌-రష్యా యుద్ధంలో ప్రయోగించినట్టు వార్తలు వచ్చాయి.

4. నపాలమ్‌

ఉద్దేశం: పెట్రోల్‌తో కలగలిసిన ఈ ప్రాణాంతక జెల్‌ను మనుషులపై చల్లుతారు. చర్మంపై పొక్కులు వచ్చి మంటలు చెలరేగుతాయి.

నిషేధం: రెండో ప్రపంచ యుద్ధం, కొరియన్‌ వార్‌, వియత్నాం వార్‌లో అమెరికా వాడింది. 1980లో నిషేధించారు.

5. యాంటీ-పర్సనల్‌ ల్యాండ్‌ మైన్స్‌

ఉద్దేశం: ల్యాండ్‌మైన్‌ తరహా ఆయుధాలు ఇవి. మనుషులతో పాటు వైద్య సామగ్రిని పేల్చడానికి వాడుతారు.

నిషేధం: పలు యుద్ధాల్లో వీటిని ప్రయోగించారు. 1997లో నిషేధించారు. అయితే, ఇప్పటికీ వినియోగిస్తున్నారు.

6. ఎక్స్‌పాండింగ్‌ బుల్లెట్స్‌

ఉద్దేశం: లక్ష్యంపై పడగానే విస్తరించి ప్రమాద తీవ్రతను పెంచే బుల్లెట్స్‌. గాయపర్చడమే వీటి ప్రధాన లక్ష్యం

నిషేధం: పలు యుద్ధాల్లో వినియోగించారు. 1899లో నిషేధించారు. అయితే, ఇప్పటికీ వినియోగిస్తున్నారు.

7. బయోలాజికల్‌ వెపన్స్‌

ఉద్దేశం : మనుషులను చంపడానికి ప్రాణాంతక బ్యాక్టీరియా, వైరస్‌లను వినియోగించడం.

నిషేధం : 1972లో నిషేధించారు.

8. బ్లైండింగ్‌ లేజర్‌ వెపన్‌

ఉద్దేశం: కంటిచూపు శాశ్వతంగా పోగొట్టేందుకు వినియోగిస్తారు.

నిషేధం: 1995లో నిషేధించారు.

9. నాన్‌- డిటెక్టెబుల్‌ ఫ్రాగ్మెంటేషన్‌ వెపన్స్‌

ఉద్దేశం: కంటికి కనిపించనటువంటి గాజు ముక్కలతో దాడి చేస్తారు.

నిషేధం: 1977లో నిషేధించారు

10. బూబీ ట్రాప్స్‌

ఉద్దేశం: బొమ్మలు, ఆహారం, మందులు, ఎలక్ట్రానిక్‌ డివైజ్‌లలో బాంబులు పెట్టి చంపుతారు.

నిషేధం: 1977లో నిషేధించారు.