చండీగఢ్: పొరపాటున గన్తో పోలీస్ అధికారి కాల్పులు జరిపాడు. దీంతో మొబైల్ షాపులో పని చేసే ఉద్యోగి తీవ్రంగా గాయపడ్డాడు. పంజాబ్లోని అమృత్సర్లో ఈ సంఘటన జరిగింది. మొబైల్ షాపునకు ఒక పోలీస్ అధికారి వెళ్లాడు. ఆయన వద్ద సర్వీస్ రివాల్వర్ ఉంది. దానిని కౌంటర్ టేబుల్పై ఉంచాడు. రివ్వాలర్ పనితీరును ఆ షాపులోని సిబ్బందికి వివరిస్తున్నాడు. ఇంతలో ప్రమాదవశత్తూ ఆ రివాల్వర్ మిస్ఫైర్ అయ్యింది. దీంతో ఆ మొబైల్ షాపులో పని చేసే ఒక వ్యక్తి శరీరంలోకి బులెట్లు దూసుకెళ్లాయి. ఆ వ్యక్తి అక్కడే కుప్పుకూలిపోయాడు. వెంటనే తేరుకున్న మిగతా సిబ్బంది అతడ్ని హాస్పిటల్కు తరలించి చికిత్స అందిస్తున్నారు. అయితే బుల్లెట్ గాయాలైన ఆ వ్యక్తి పరిస్థితి విషమంగా ఉందని వైద్యులు తెలిపారు.
కాగా, అమృత్సర్ నార్త్ ఏసీపీ వరీందర్ సింగ్ ఈ సంఘటనపై స్పందించారు. మొబైల్ షాపులో రివ్వాలర్ మిస్ఫైర్ చేసిన పోలీస్ అధికారిని సస్పెండ్ చేసినట్లు తెలిపారు. గాయపడిన ఆ షాపు వ్యక్తి ఆరోగ్య పరిస్థితి క్రిటికల్గా ఉందన్నారు. ఈ సంఘటనపై కేసు నమోదు చేసి దర్యాప్తు చేస్తున్నట్లు వెల్లడించారు. మరోవైపు ఆ మొబైల్ షాపులోని సీసీటీవీలో రికార్డైన వీడియో క్లిప్ సోషల్ మీడియాలో వైరల్ అయ్యింది.
Video: Punjab Cop "Accidentally" Fires At Mobile Shop Employee In Amritsar https://t.co/z4TgmupAha pic.twitter.com/bJKmF06cnG
— NDTV (@ndtv) October 20, 2022