పార్కింగ్‌ విషయంలో గొడవ.. ముగ్గురి హత్య

పార్కింగ్‌ విషయంలో మొదలైన గొడవ చివరకు ముగ్గురి ప్రాణాలు తీసింది. లక్నోలోని సాదత్‌గంజ్‌ పోలీస్‌ స్టేషన్‌ పరిధిలో ఉన్న నౌబస్తా ప్రాంతంలోని బ్రాహ్మణి తోలా కాలనీలో సోమవారం ఉదయం 10.30 గంటలకు ఈ ఘటన చోటుచేసుకున్నది. ఖాళీ స్థలంలో కారు పార్కింగ్‌ చేసే విషయంలో రెండు వర్గాల మధ్య వాగ్వాదం చోటుచేసుకున్నది. పొరుగింటిలో ఉండే నేవీలో పనిచేసే రిషబ్‌ శుక్లా తుపాకీతో కాల్పులు జరిపాడు.

లక్నో: పార్కింగ్‌ విషయంలో మొదలైన గొడవ చివరకు ముగ్గురి ప్రాణాలు తీసింది. లక్నోలోని సాదత్‌గంజ్‌ పోలీస్‌ స్టేషన్‌ పరిధిలో ఉన్న నౌబస్తా ప్రాంతంలోని బ్రాహ్మణి తోలా కాలనీలో సోమవారం ఉదయం 10.30 గంటలకు ఈ ఘటన చోటుచేసుకున్నది. ఖాళీ స్థలంలో కారు పార్కింగ్‌ చేసే విషయంలో రెండు వర్గాల మధ్య వాగ్వాదం చోటుచేసుకున్నది. పొరుగింటిలో ఉండే నేవీలో పనిచేసే రిషబ్‌ శుక్లా తుపాకీతో కాల్పులు జరిపాడు. ఈ కాల్పుల్లో శివాజీ తివారీ (65), ఆయన సోదరుడు శివేంద్ర తివారీ (55), ఆయన కొడుకు సుయశ్‌ తివారీ (30) తీవ్రంగా గాయపడి దవాఖానలో చికిత్స పొందుతూ మరణించారు. ఇదే కాల్పుల్లో గాయపడ్డ మరో వ్యక్తి శంభు పరిస్థితి విషమంగా ఉన్నది. నిందితుడిని పోలీసులు అదుపులోకి తీసుకున్నారు.