హై రిస్క్ కాకపోతే.. కరోనా రోగుల కాంటాక్ట్లకు టెస్ట్ వద్దు: ఐసీఎంఆర్

న్యూఢిల్లీ: హై రిస్క్ కాకపోతే, కరోనా రోగుల కాంటాక్ట్లకు టెస్ట్ చేయాల్సిన అవవసరం లేదని భారత వైద్య పరిశోధన మండలి (ఐసీఎంఆర్) తెలిపింది. కరోనా పరీక్షలు, రోగుల కాంటాక్ట్ వ్యక్తుల నుంచి నమూనాల సేకరణకు సంబంధించి తాజా మార్గదర్శకాలను సోమవారం జారీ చేసింది. పాజిటివ్ కాంటాక్ట్ వ్యక్తులకు ఎలాంటి లక్షణాలు లేకపోయినా, వయసు పైబడి ఇతర అనారోగ్య సమస్యలున్న హై రిస్క్ వ్యక్తులు కాకపోతే కరోనా టెస్ట్ నిర్వహించాల్సిన పని లేదని తెలిపింది.
అయితే 60 ఏండ్లు పైబడిన వారు, మధుమేహం, రక్తపోటు, దీర్ఘకాలిక ఊపిరితిత్తులు లేదా మూత్రపిండ వ్యాధి, ప్రాణాంతకత వ్యాధులు, ఊబకాయం వంటి అనారోగ్యాలతో బాధపడుతున్న రోగుల కాంటాక్ట్లను మాత్రమే హై రిస్క్ వ్యక్తులుగా ఐసీఎంఆర్ పేర్కొంది. అలాంటి వారికే కరోనా టెస్ట్ చేయాలని సూచించింది.
మరోవైపు ప్రసవం కోసం ఆసుపత్రిలో చేరిన గర్భిణీలతో సహా శస్త్రచికిత్స లేదా నాన్-సర్జికల్ రోగులకు ఎలాంటి లక్షణాలు లేకపోతే కరోనా టెస్ట్ చేయవద్దని ఐసీఎంఆర్ తెలిపింది. కరోనా టెస్ట్ కారణంతో అత్యవసర సర్జరీలను వాయిదా వేయవద్దని సూచించింది. అయితే కొన్ని అంశాల పరిగణనతో చికిత్స చేస్తున్న వైద్యుని అభీష్టానుసారం కరోనా పరీక్షలు చేయవచ్చని పేర్కొంది. అంతరాష్ట్ర ప్రయాణికులకు కూడా కరోనా టెస్ట్ అవసరం లేదని వెల్లడించింది. ఈ మేరకు కోవిడ్-19 పర్పసివ్ టెస్టింగ్ స్ట్రాటజీ అడ్వైజరీని జారీ చేసింది.
Read Today's Latest National News in Telugu and Telugu News
- Tags
- covid test
- Covid-19
- ICMR
RELATED ARTICLES
తాజా వార్తలు
ట్రెండింగ్ వార్తలు
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ

