woman killed | మహిళను హత్య చేసి, మృతదేహాన్ని పడేసేందుకు క్యాబ్ బుక్ చేశారు.. తర్వాత ఏం జరిగిందంటే?
woman killed | ఆస్తి కోసం బంధువులు ఒక మహిళను హత్య (woman killed) చేశారు. అనంతరం ఆమె మృతదేహాన్ని గోనె సంచిలో ఉంచి పడేసేందుకు క్యాబ్ బుక్ చేశారు. అయితే ఆ సంచి నుంచి రక్తం కారడాన్ని గమనించిన క్యాబ్ డ్రైవర్ అక్కడి నుంచి వెళ్లిపోయాడు. అనంతరం ఈ విషయాన్ని పోలీసులకు చెప్పాడు.
లక్నో: ఆస్తి కోసం బంధువులు ఒక మహిళను హత్య (woman killed) చేశారు. అనంతరం ఆమె మృతదేహాన్ని గోనె సంచిలో ఉంచి పడేసేందుకు క్యాబ్ బుక్ చేశారు. అయితే ఆ సంచి నుంచి రక్తం కారడాన్ని గమనించిన క్యాబ్ డ్రైవర్ అక్కడి నుంచి వెళ్లిపోయాడు. అనంతరం ఈ విషయాన్ని పోలీసులకు చెప్పాడు. ఈ నేపథ్యంలో మహిళను హత్య చేసిన ఆమె బంధువులను పోలీసులు అరెస్ట్ చేశారు. ఉత్తరప్రదేశ్లోని కాన్పూర్ జిల్లాలో ఈ సంఘటన జరిగింది. రూ.40 కోట్ల విలువైన వారసత్వ ఆస్తి కోసం కుసుమ్ కుమారిని ఆమె బంధువులు జూలై 11న హత్య చేశారు. ఆ తర్వాత ఆమె మృతదేహాన్ని ఒక గోనె సంచిలో ఉంచారు. దానిని నిర్మాణుష్య ప్రాంతంలో పడేసేందుకు నోయిడా నుంచి మహారాజ్పూర్కు ఓలా క్యాబ్ను బుక్ చేశారు.
కాగా, క్యాబ్ డ్రైవర్ మనోజ్, బుకింగ్ చేసిన ప్రాంతానికి చేరుకున్నాడు. ఒక సంచిని కారు డిక్కీలో ఉంచేందుకు పైకి ఎత్తాడు. అయితే దాని నుంచి రక్తం కారడం చూసి అనుమానించాడు. క్యాబ్ బుక్ చేసిన వారిని తీసుకెళ్లేందుకు నిరాకరించాడు. దీంతో వారు అతడ్ని తిట్టారు. ఈ నేపథ్యంలో క్యాబ్ డ్రైవర్ అక్కడి నుంచి తప్పించుకున్నాడు. హైవేపై ఉన్న పోలీసులను అలెర్ట్ చేశాడు. అలాగే మహారాజ్పూర్ పోలీస్ స్టేషన్కు వెళ్లి ఈ విషయం చెప్పాడు.
మరోవైపు, క్యాబ్ డ్రైవర్ మనోజ్ చెప్పిన దానిపై పోలీసులు దర్యాప్తు చేపట్టారు. ఆరా తీయగా సమీప గ్రామానికి చెందిన కుసుమ్ కుమారి, ఆమె బంధువు సౌరభ్ కనిపించడంలేదని తెలుసుకున్నారు. ఆదివారం ఫతేపూర్ వద్ద కుసుమ్ మృతదేహాన్ని గుర్తించారు. ఆమె హత్యకు సంబంధించి ముగ్గురు బంధువులను అరెస్ట్ చేశారు. ప్రధాన నిందితుడు సౌరభ్ అని పోలీస్ అధికారి తెలిపారు. ఈ హత్యకు సంబంధించి కొందరు పరారీలో ఉన్నారని, వారిని వెతికి పట్టుకుని అరెస్ట్ చేస్తామని చెప్పారు. ఈ సంఘటనపై కేసు నమోదు చేసి దర్యాప్తు చేస్తున్నట్లు వెల్లడించారు.
Read Today's Latest National News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

