అన్నాచెల్లెలుగా పేర్కొంటూ అద్దె ఇంట్లో నివసించిన జంట.. ఉరి వేసుకున్న యువకుడు, ప్రియురాలు గదిలో నిర్బంధం
man found hanging, girlfriend locked | ఒక జంట అన్నాచెల్లెలుగా పేర్కొంటూ ఒక అద్దె ఇంట్లో కలిసి సహజీవనం చేశారు. వారిద్దరి మధ్య గొడవ వల్ల యువకుడు ఉరి వేసుకున్నాడు. ప్రియురాలైన ఆ యువతి లాక్ చేసిన మరో గదిలో ఉన్నది. దీనిపై పోలీసులు దర్యాప్తు చేస్తున్నారు.
పాట్నా: ఒక జంట అన్నాచెల్లెలుగా పేర్కొంటూ ఒక అద్దె ఇంట్లో కలిసి సహజీవనం చేశారు. వారిద్దరి మధ్య గొడవ వల్ల యువకుడు ఉరి వేసుకున్నాడు. ప్రియురాలైన ఆ యువతి లాక్ చేసిన మరో గదిలో ఉన్నది. దీనిపై పోలీసులు దర్యాప్తు చేస్తున్నారు. (man found hanging, girlfriend locked) బీహార్లోని బేగుసరాయ్ జిల్లాలో ఈ సంఘటన జరిగింది. మహేష్పూర్ గ్రామానికి చెందిన 21 ఏళ్ల అమృత్ శర్మ, నీమా చంద్పురాకు చెందిన 20 ఏళ్ల అర్చన కుమారి తొమ్మిది నెలలుగా ప్రేమలో ఉన్నారు.
కాగా, నెల కిందట పిప్రా గ్రామంలోని ఒక ఇంటిని అర్చన అద్దెకు తీసుకున్నది. ఇంటి యజమానికి సమర్పించిన ఆధార్ కార్డు కాపీలో, డానియల్పూర్ అనే తప్పుడు చిరునామాతో పాటు ప్రియుడు అమృత్ తండ్రి భరత్ శర్మను తన తండ్రిగా పేర్కొంది. పోటీ పరీక్షలకు తాను సిద్ధమవుతున్నట్లు ఇంటి యజమానికి తెలిపింది. అలాగే ప్రియుడైన అమృత్ను సోదరుడిగా నమ్మించింది. అతడు కూడా తనతో పాటు కలిసి ఆ ఇంట్లో ఉంటాడని ఇంటి యజమానికి చెప్పింది.
మరోవైపు 15 రోజుల తర్వాత అమృత్ ఆ అద్దె ఇంటికి వచ్చాడు. ప్రైవేట్ ఫైనాన్స్ కంపెనీలో తాను పని చేస్తున్నట్లు ఇంటి యజమానికి తెలిపాడు. అర్చన చిరునామా వివరాలు మాదిరిగానే అతడు సమర్పించిన ఆధార్ కార్డులో తండ్రి పేరు, చిరునామా ఉన్నాయి. నాటి నుంచి వారిద్దరూ ఆ ఇంట్లో కలిసి సహజీవనం చేశారు.
అయితే వారిద్దరి మధ్య సంబంధంపై ఇంటి యజమానికి అనుమానం కలిగింది. ఈ నేపథ్యంలో ఆ జంట ఒక వ్యక్తితో ఫోన్లో మాట్లాడించారు. వారి తండ్రిగా అతడు పరిచయం చేసుకున్నాడు. వారిద్దరి నుంచి ఎలాంటి పొరపాటు జరుగకుండా చూసుకుంటానని ఇంటి యజమానికి ఆ వ్యక్తి భరోసా ఇచ్చాడు.
కాగా, అక్టోబర్ 30న రాత్రివేళ ఒక విషయంపై అర్చన, అమృత్ మధ్య గొడవ జరిగింది. దీంతో అర్చనను ఒక గదిలో అతడు బంధించాడు. మరో గదిలో ఉరి వేసుకుని ఆత్మహత్య చేసుకున్నాడు. ఫోన్కు అమృత్ స్పందించకపోవడంతో అతడి సోదరుడికి అర్చన ఫోన్ చేసింది. దీంతో అమృత్ సోదరుడు ఆ ఇంటికి చేరుకున్నాడు. పోలీసులకు సమాచారం ఇచ్చాడు. వారు ఇంటి తలుపులు తెరిచి చూడగా ఒక గదిలో అమృత్ ఉరి వేసుకుని కనిపించాడు. లాక్ వేసిన మరో గదిలో అర్చన ఉన్నది.
అయితే అర్చన మాజీ ప్రియుడి నుంచి అమృత్కు బెదిరింపులు వచ్చినట్లు అతడి సోదరుడు ఆరోపించాడు. పనికి సంబంధించిన విషయాల కోసం అప్పుడప్పుడు ఆమెతో తాను మాట్లాడినట్లు పోలీసులకు చెప్పాడు. ఈ నేపథ్యంలో అమృత్ మరణానికి దారితీసిన పరిస్థితులు, అతడి కుటుంబం ఆరోపణలపై అర్చనను పోలీసులు ప్రశ్నిస్తున్నారు. అమృత్ మృతదేహాన్ని పోస్ట్మార్టం కోసం ప్రభుత్వ ఆసుపత్రికి తరలించారు. ఈ సంఘటనపై కేసు నమోదు చేసి దర్యాప్తు చేస్తున్నారు.
Read Today's Latest National News in Telugu and Telugu News
- Tags
- Bihar
- girlfriend
- hanging
- locked
RELATED ARTICLES
తాజా వార్తలు
Robert Pattinson | రాబర్ట్ స్టార్ హీరో కనుకే తొలుత వ్యతిరేకించాం.. జేమ్స్ బాండ్ ఎంపికపై జెఫ్ బెజోస్ ఆసక్తికర వ్యాఖ్యలు!
Jobs | నైవేలి లిగ్నైట్ కార్పొరేషన్ ఇండియా లిమిటెడ్లో 145 ఎగ్జిక్యూటివ్ ఇంజినీర్ పోస్టులు
SIddipeta | సిద్దిపేటలో బీఆర్ఎస్ ఫ్లెక్సీలు చింపేసి కాంగ్రెస్ ఫ్లెక్సీలను వదిలేస్తున్న సిబ్బంది.. వీడియో
Sonia Gandhi: పౌరసత్వం రాకముందే సోనియాకు ఓటు.. రిపోర్టు కోరిన ఢిల్లీ కోర్టు
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
ట్రెండింగ్ వార్తలు
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి

