Visit:
Snake begger : అడుక్కునే పద్ధతులు కూడా రోజురోజుకు కొత్తపుంతలు తొక్కుతున్నాయి. సాధారణంగా అంగవైకల్యాన్ని చూపించో, పసిబిడ్డలకు పాలు లేవని చెప్పో, తినడానికి తిండిలేదని చెప్పో భిక్షాటన (Begging) చేస్తుంటారు. కొందరు తమ ఆటను చూపించి, కొందరు తమ పాటను చూపించి, మరికొందరు తమ ఇంద్రజాల శక్తులను ప్రదర్శించి భిక్షం అడుగుతారు. కానీ తాజాగా గుజరాత్‌ (Gujarat) రాష్ట్రంలోని అహ్మదాబాద్‌ (Ahmedabad) నగరానికి చెందిన ఓ వ్యక్తి మాత్రం భిక్షాటన కోసం పైవాటికి భిన్నమైన మార్గాన్ని ఎంచుకున్నాడు.
ప్రయాణికులకు పామును చూపించి భయపెడుతూ భిక్షాటన చేస్తున్నాడు. సదరు వ్యక్తి పాముతో తమ దగ్గరికి వచ్చే సరికి ప్రయాణికులు భయపడి వెంటనే డబ్బులు ఇస్తున్నారు. ఇటీవల సబర్మతి ఎక్స్‌ప్రెస్‌ రైలులో ఆ వ్యక్తి ఇలా డబ్బులు వసూలు చేస్తున్న దృశ్యాలను ఓ వ్యక్తి తన మొబైల్‌ ఫోన్‌లో రికార్డు చేశాడు. అనంతరం ఆ వీడియోను సోషల్ మీడియాలో పెట్టడంతో వైరల్ అయ్యింది.
ఈ ఘటనపై రైల్వే అధికారులు స్పందించారు. ఘటనకు సంబంధించిన మరిన్ని వివరాలను తెలియజేయాలని ఆ వీడియోను సోషల్ మీడియాలో పెట్టిన వ్యక్తిని కోరారు. అదేవిధంగా సదరు వ్యక్తిని గుర్తించి తగిన చర్యలు తీసుకోవాలని రైల్వే ప్రొటెక్షన్‌ పోలీసులను ఆదేశించింది. సదరు స్నేక్‌ బెగ్గర్‌ అహ్మదాబాద్‌లోని మంగోలి రైల్వేస్టేషన్‌ దగ్గర రైలు ఎక్కినట్లు తెలుస్తోంది.
#Sarp_darshan_on_Rail
Man with snake boarded at Mungaoli (M.P.)
New way of Taking out #money from Hard Working Labour class
inside #IndianRailways @RailwaySeva @RailMinIndia @Central_Railwaytrain : Ahmedabad Sabarmati Express
Location: Between Mungaoli to Bina Junction. pic.twitter.com/7vM4UhcCaq— Deepak रघुवंशी 🇮🇳 (@draghu888) September 22, 2025
