life imprisonment to priest | గుడిలో బాలికల వీడియోలు తీసి విదేశీయులకు విక్రయించిన పూజారి.. జీవిత ఖైదు విధించిన కోర్టు

life imprisonment to priest | గుడిని సందర్శించే బాలికల అసభ్యకర వీడియోలను ఒక పూజారి రికార్డ్‌ చేశాడు. వాటిని విదేశీయులకు విక్రయించాడు. ఇంటర్‌పోల్‌ సమాచారంతో సీబీఐ కేసు నమోదు చేసి దర్యాప్తు చేసింది. ఆ పూజారిని దోషిగా నిర్ధారించిన కోర్టు యావజ్జీవ కారాగార శిక్ష విధించింది.

లక్నో: గుడిని సందర్శించే బాలికల అసభ్యకర వీడియోలను ఒక పూజారి రికార్డ్‌ చేశాడు. వాటిని విదేశీయులకు విక్రయించాడు. ఇంటర్‌పోల్‌ సమాచారంతో సీబీఐ కేసు నమోదు చేసి దర్యాప్తు చేసింది. ఆ పూజారిని దోషిగా నిర్ధారించిన కోర్టు యావజ్జీవ కారాగార శిక్ష విధించింది. (life imprisonment to priest) ఉత్తరప్రదేశ్‌లోని మథుర జిల్లాలో ఈ సంఘటన జరిగింది. ఒక గ్రామంలోని ఆలయ పూజారి అయిన శ్యామ్ బిహారీ, గుడికి వచ్చే బాలికలను ‘ప్రసాదం’ ఇస్తానని నమ్మించి ఒక గదిలోకి పిలిచేవాడు. ఆ గదిలో బాలికలపై అసభ్యకరమైన చర్యలకు పాల్పడి వీడియో రికార్డ్‌ చేశాడు. డబ్బు కోసం ఆ వీడియోలను విదేశీయులకు విక్రయించాడు.

కాగా, ఈ విషయం ఇంటర్‌పోల్ దృష్టికి వచ్చింది. దీంతో భారత ప్రభుత్వానికి సమాచారం అందించారు. ఈ నేపథ్యంలో 2025 జూన్ 17న సీబీఐ కేసు నమోదు చేసి దర్యాప్తు చేపట్టింది. పూజారి శ్యామ్‌ను సీబీఐ అధికారులు అరెస్ట్‌ చేశారు. అతడ్ని విచారించడంతో పాటు నెలలోపే దర్యాప్తును పూర్తి చేశారు. 2025 ఆగస్ట్‌ 18న కోర్టులో ఛార్జ్‌షీట్‌ను దాఖలు చేశారు.

మరోవైపు ఈ కేసులో నిందితుడైన పూజారి శ్యామ్ బిహారీని దోషిగా మథుర కోర్టు నిర్ధారించింది. జీవిత ఖైదుతో పాటు రూ.1.43 లక్షల జరిమానా విధించింది. అదనపు జిల్లా, సెషన్స్ జడ్జి బ్రిజేష్ కుమార్ ఈ మేరకు శుక్రవారం తీర్పు ఇచ్చినట్లు ప్రభుత్వ తరపు న్యాయవాది తెలిపారు.