బాలికతో కనిపించాడని నగ్నంగా ఊరేగించి..!

పశ్చిమబెంగాల్‌లోని కోల్‌కతాలో అమానవీయ ఘటన చోటుచేసుకుంది. బహేలా ప్రాంతానికి చెందిన 13 ఏండ్ల బాలికను 18 ఏండ్ల యువకునితో పాటు చూసిన ఆ బాలిక కుటుంబ సభ్యులు ఆ యువకుడిని పట్టుకున్నారు.

కోల్‌కతా : పశ్చిమబెంగాల్‌లోని కోల్‌కతాలో అమానవీయ ఘటన చోటుచేసుకుంది. బహేలా ప్రాంతానికి చెందిన 13 ఏండ్ల బాలికను 18 ఏండ్ల యువకునితో పాటు చూసిన ఆ బాలిక కుటుంబ సభ్యులు ఆ యువకుడిని పట్టుకున్నారు. అనంతరం బాలిక తండ్రి, ఆమె మేనమామ ఆ యువకుడిని, అతని స్నేహితుడిని ఒక గదిలో బంధించి తీవ్రంగా కొట్టారు.

తరువాత ఆ యువకుడి తండ్రిని కూడా అక్కడికి పిలిపించి, ఆ ముగ్గురిని నగ్నంగా రోడ్లపై ఊరేగిస్తూ, అత్యంత హీనంగా అవమానించారు. ఈ ఘటన చూసిన స్థానికులు బాలిక కుటుంబ సభ్యుల అకృత్యంపై ఆగ్రహం వ్యక్తం చేశారు. ఆ బాలిక మేనమామను పట్టుకుని, చావబాది పోలీసులకు అప్పగించారు.