పెండింగ్‌ బిల్లులు ఎప్పుడు చెల్లిస్తారు?

రాష్ట్రంలోని దాదాపు 1.5 లక్షల మంది కాంట్రాక్టర్లకు బకాయిపడిన సుమారు రూ.38,000 కోట్ల చెల్లింపులను వెంటనే విడుదల చేయాలని కర్ణాటక రాష్ట్ర కాంట్రాక్టర్ల సంఘం మంగళవారం రాష్ట్ర ప్రభుత్వాన్ని అర్థించింది. 2021-22 నుంచి ఈ బకాయిలను చెల్లించలేదని పేర్కొంది. వివిధ అభివృద్ధి శాఖలకు సంబంధించిన పెండింగ్‌లో ఉన్న బిల్లులను ఇక ఏమాత్రం ఆలస్యం లేకుండా చెల్లించాలని డిమాండ్‌ చేస్తూనే తగిన చర్యలు తీసుకోకపోతే కొత్తగా నిరసనలు చేపడతామని సంఘం హెచ్చరించింది.

• కర్ణాటక కాంగ్రెస్‌ సర్కార్‌పై కాంట్రాక్టర్ల తీవ్ర ఆగ్రహం
• బకాయిలు చెల్లించకపోతే నిరసనకు దిగుతామని హెచ్చరిక

బెంగళూరు: రాష్ట్రంలోని దాదాపు 1.5 లక్షల మంది కాంట్రాక్టర్లకు బకాయిపడిన సుమారు రూ.38,000 కోట్ల చెల్లింపులను వెంటనే విడుదల చేయాలని కర్ణాటక రాష్ట్ర కాంట్రాక్టర్ల సంఘం మంగళవారం రాష్ట్ర ప్రభుత్వాన్ని అర్థించింది. 2021-22 నుంచి ఈ బకాయిలను చెల్లించలేదని పేర్కొంది. వివిధ అభివృద్ధి శాఖలకు సంబంధించిన పెండింగ్‌లో ఉన్న బిల్లులను ఇక ఏమాత్రం ఆలస్యం లేకుండా చెల్లించాలని డిమాండ్‌ చేస్తూనే తగిన చర్యలు తీసుకోకపోతే కొత్తగా నిరసనలు చేపడతామని సంఘం హెచ్చరించింది. ఫ్రీడమ్‌ పార్కులో మార్చి 6న కాంట్రాక్టర్లు నిర్వహించిన నిరసన సందర్భంగా వారికి ఇచ్చిన హామీని కూడా సంఘం రాష్ట్ర ప్రభుత్వానికి గుర్తు చేసింది.

ఆ సమయంలో పెండింగ్‌ బకాయిలను ఒకే విడతలో చెల్లిస్తామని ప్రభుత్వం ఇచ్చిన హామీని సంఘం ప్రస్తావించింది. అప్పట్లో ఉప ముఖ్యమంత్రిగా ఉన్న డీకే శివకుమార్‌ కాంట్రాక్టర్ల సంఘం ఎదుర్కొంటున్న సమస్యలను చర్చించడానికి, వారికి చెల్లించాల్సిన బకాయిల విషయంలో పరిష్కారం కనుగొనడానికి అప్పటి ముఖ్యమంత్రి సిద్ధరామయ్యతో సమావేశాన్ని ఏర్పాటు చేస్తామని వారికి హామీ ఇచ్చారు. అయితే ఆ హామీ ఇచ్చి చాలా నెలలు గడిచినప్పటికీ బకాయిలు ఇంకా విడుదల కాలేదని కాంట్రాక్టర్ల సంఘం తెలిపింది.