CJI DY Chandrachud | పెండింగ్‌ కేసుల సంఖ్యను తగ్గించేందుకు పక్కా ప్రణాళిక : సీజేఐ జస్టిస్‌ డీవై చంద్రచూడ్‌

CJI DY Chandrachud | పెండింగ్‌ కేసులను తగ్గించేందుకు పక్కా ప్రణాళిక రూపొందించామని సుప్రీంకోర్టు ప్రధాన న్యాయమూర్తి జస్టిస్‌ డీవై చంద్రచూడ్‌ పేర్కొన్నారు. భారత్‌ మండపంలో ఆదివారం జరిగిన జిల్లా న్యాయవ్యవస్థ జాతీయ సదస్సులో పాల్గొని ప్రసంగించారు.

CJI DY Chandrachud | పెండింగ్‌ కేసులను తగ్గించేందుకు పక్కా ప్రణాళిక రూపొందించామని సుప్రీంకోర్టు ప్రధాన న్యాయమూర్తి జస్టిస్‌ డీవై చంద్రచూడ్‌ పేర్కొన్నారు. భారత్‌ మండపంలో ఆదివారం జరిగిన జిల్లా న్యాయవ్యవస్థ జాతీయ సదస్సులో పాల్గొని ప్రసంగించారు. ప్రణాళికలో మూడు ప్రధాన దశలు ఉన్నాయన్నారు. తొలి దశలో జిల్లాస్థాయిలో కేసుల నిర్వహణకు కమిటీలను ఏర్పాటు చేస్తారన్నారు. పెండింగ్‌లో ఉన్న కేసులు, రికార్డుల స్థితిగతులను కమిటీలు పరిశీలిస్తాయన్నారు. రెండో దశలో పది నుంచి 30 ఏళ్లకుపైగా పెండింగ్‌లో ఉన్న కేసులను పరిష్కరిస్తారని.. మూడో దశలో పదేళ్లకుపైగా ఉన్న కేసులను జనవరి 2025 నుంచి జూన్‌ 2025 వరకు విచారిస్తారన్నారు. సాంకేతిక, డేటా నిర్వహణ వ్యవస్థలు అవసరమన్నారు. పెండింగ్‌లో ఉన్న కేసులను పరిష్కరించడానికి ఇతర చర్యలు, వివాదాలను పరిష్కరించడానికి చొరవ తీసుకోనున్నట్లు తెలిపారు.

ఇటీవల సుప్రీంకోర్టు తొలిసారిగా జాతీయ లోక్‌ అదాలత్‌లను నిర్వహించి.. ఇందులో వెయ్యి కంటే ఎక్కువ కేసులను పరిష్కరించింది. సీజేఐ మాట్లాడుతూ జిల్లా కోర్టుల్లో కేవలం 6.7శాతం మౌలిక సదుపాయాలు మాత్రమే స్నేహపూర్వకంగా ఉన్న పరిస్థితిని మార్చాలని చెప్పింది. కోర్టులో మౌలిక వసతులు, వైద్య సదుపాయాలు తదితరాలను ఆడిట్ చేయడంతోపాటు ఈ-సేవా కేంద్రాలు, వీడియో కాన్ఫరెన్స్ పరికరాల వినియోగాన్ని పెంచామన్నారు. మన కోర్టులు సమాజంలోని అన్ని వర్గాల వారికి, ముఖ్యంగా మహిళలు, వికలాంగులు, షెడ్యూల్డ్ కులాలు, షెడ్యూల్డ్ తెగలు, ఇతర బలహీన వర్గాలకు సురక్షితంగా, స్నేహపూర్వకంగా ఉండేలా చూసుకోవాలన్నారు. న్యాయ మంత్రి అర్జున్ రామ్ మేఘ్వాల్ మాట్లాడుతూ భారతదేశాన్ని ప్రపంచంలోనే అతిపెద్ద ప్రజాస్వామ్యం, ప్రజాస్వామ్యానికి తల్లి పిలుస్తారన్నారు. సుప్రీంకోర్టు 75వ వార్షికోత్సవం మనకు గర్వకారణమని.. నేడు న్యాయవ్యవస్థలో వివిధ స్థాయిలలో పనిచేస్తున్న గొప్ప వ్యక్తులందరికీ ఒకే ఒక లక్ష్యం ఉందన్నారు.