Justice BV Nagarathna | మహిళలను తక్కువగా చూడడం మానాలి : జస్టిస్‌ బీవీ నాగరత్న

Justice BV Nagarathna | కుటుంబ, వివాహ వ్యవస్థను కాపాడుకోవడం చాలా ముఖ్యమని.. ఇందుకోసం ఇతరులకంటే తమను తాము ముఖ్యమైనదిగా భావించే వ్యక్తిత్వాన్ని వదులుకోవాల్సి ఉంటుందని సుప్రీంకోర్టు న్యాయమూర్తి జస్టిస్ బీవీ నాగరత్న అన్నారు.

Justice BV Nagarathna | కుటుంబ, వివాహ వ్యవస్థను కాపాడుకోవడం చాలా ముఖ్యమని.. ఇందుకోసం ఇతరులకంటే తమను తాము ముఖ్యమైనదిగా భావించే వ్యక్తిత్వాన్ని వదులుకోవాల్సి ఉంటుందని సుప్రీంకోర్టు న్యాయమూర్తి జస్టిస్ బీవీ నాగరత్న అన్నారు. వివాహబంధంలో మహిళల ప్రాముఖ్యతను గుర్తించాల్సి ఉంటుందని, వారిని తక్కువగా చూడడం మానేయాలని పిలుపునిచ్చారు.

జస్టిస్‌ సునంద భండారే స్మారక జస్టిస్ సునంద భండారే స్మారక ఉపన్యాసంలో జస్టిస్ బీవీ నాగరత్న ముఖ్యఅతిథిగా హాజరయ్యారు. ఈ సందర్భంగా జస్టిస్‌ నాగరత్న మాట్లాడుతూ పురుషులు, స్త్రీలు వివాహానికి రెండు ముఖ్యమైన స్తంభాలని, కుటుంబం చాలా ముఖ్యమైన పాత్రను పోషిస్తుందని.. కానీ, గృహహింస సంఘటనలు పెరుగుతున్నాయని ఆందోళన వ్యక్తం చేశారు. పురుషులు తమ స్వీయ ముఖ్యమైన వ్యక్తిత్వాన్ని వదులుకోవాల్సి ఉంటుందన్నారు.

వివాహం, కుటుంబం అనే వ్యవస్థ మనుగడ సాగించాలని.. ఆనందం, కుటుంబం మహిళల శ్రేయస్సుపై ఆధారపడి ఉండాలన్నారు. కుటుంబంలో మహిళల గుర్తింపు పోతే ఏదో ఒక రోజు వైవాహిక బంధం తెగిపోవడం ఖాయమన్నారు. ప్రతి విజయవంతమైన వ్యక్తి వెనుక ఒక కుటుంబం ఉంటుందని.. వివాహంలో మహిళల పాత్రను తక్కువగా అంచనా వేయకూడదన్నారు. వివాహాల విచ్ఛిన్నం పిల్లలపై సైతం ప్రభావం చూపుతుందని జస్టిస్ నాగరత్న అన్నారు.