విద్యార్థినులపై లైంగిక వేధింపులు.. కాంగ్రెస్‌ ఎంపీపై జేఎన్‌యూ వేటు

కాంగ్రెస్‌ ఇన్నర్‌ మణిపూర్‌ ఎంపీ, జేఎన్‌యూ ప్రొఫెసర్‌ అంగోమ్చా బిమోల్‌ అకోయిజామ్‌ను జవహర్‌లాల్‌ నెహ్రూ యూనివర్సిటీ తొలగించింది. 11 మంది విద్యార్థినులపై లైంగిక వేధింపులకు పాల్పడ్డారనే ఆరోపణల నేపథ్యంలో విచారణ జరిపించిన యూనివర్సిటీ.. ఆయనపై చర్యలు తీసుకున్నది.

న్యూఢిల్లీ : కాంగ్రెస్‌ ఇన్నర్‌ మణిపూర్‌ ఎంపీ, జేఎన్‌యూ ప్రొఫెసర్‌ అంగోమ్చా బిమోల్‌ అకోయిజామ్‌ను జవహర్‌లాల్‌ నెహ్రూ యూనివర్సిటీ తొలగించింది. 11 మంది విద్యార్థినులపై లైంగిక వేధింపులకు పాల్పడ్డారనే ఆరోపణల నేపథ్యంలో విచారణ జరిపించిన యూనివర్సిటీ.. ఆయనపై చర్యలు తీసుకున్నది. ప్రత్యేక కమిటీతో విచారణ జరిపించగా వెల్లడైన అంశాల ఆధారంగా వర్సిటీ ఈ చర్యలు వెంటనే అమల్లోకి వస్తాయని తెలిపింది.

11 మంది విద్యార్థులు 2026 మే నెలలోనే వీసీ శాంతి శ్రీ ధూళిపూడికి ఫిర్యాదు చేసినా సరైన చర్యలు తీసుకోలేదంటూ ఆరోపించగా.. ఢిల్లీ మహిళా కమిషన్‌ వెంటనే విచారణ జరపాలని వర్సిటీని ఆదేశించింది. దీంతో వర్సిటీ ప్రత్యేక కమిటీని వేసింది. అంగోమ్చా గతంలో జేఎన్‌యూ ప్రొఫెసర్‌గా పనిచేశారు. ఇన్నర్‌ మణిపూర్‌ ఎంపీగా ఉన్నారు.