PSLV-C59 | నింగిలోకి దూసుకెళ్లిన పీఎస్ఎల్వీ-సీ59 రాకెట్‌

PSLV-C59 | శ్రీహ‌రికోట‌ (Sriharikota)లోని స‌తీష్ ధావ‌న్ అంత‌రిక్ష కేంద్రం నుంచి పీఎస్ఎల్వీ-సీ59 (PSLV - C59) రాకెట్‌ నింగిలోకి దూసుకెళ్లింది.

PSLV-C59 | శ్రీహ‌రికోట‌ (Sriharikota)లోని స‌తీష్ ధావ‌న్ అంత‌రిక్ష కేంద్రం నుంచి పీఎస్ఎల్వీ-సీ59 (PSLV – C59) రాకెట్‌ నింగిలోకి దూసుకెళ్లింది. ఈ రాకెట్‌ ప్రోబా – 3 ఉపగ్రహాలను నింగిలోకి మోసుకెళ్లింది. కృత్రిమ సూర్య గ్రహణాన్ని సృష్టించడం ద్వారా భానుడి గుట్టు విప్పేందుకు ఐరోపా అంతరిక్ష సంస్థ (ఈఎస్‌ఏ)కు చెందిన ప్రోబా-3 మిషన్‌ శాటిలైట్లను నింగిలోకి పంపింది. కాగా, ఈ ప్రయోగం నిన్ననే చేపట్టాల్సి ఉంది. అయితే, చివరి నిమిషంలో ప్రోబా3 స్పేస్‌క్రాఫ్ట్‌లో సాంకేతిక లోపం త‌లెత్తడంతో ప్రయోగాన్ని ఇస్రో ఇవాళ్టికి వాయిదా వేసిన విషయం తెలిసిందే.

#WATCH | Indian Space Research Organisation (ISRO) launches PSLV-C59/PROBA-3 mission from Sriharikota, Andhra Pradesh

PSLV-C59 vehicle is carrying the Proba-3 spacecraft into a highly elliptical orbit as a Dedicated commercial mission of NewSpace India Limited (NSIL)

(Visuals:… pic.twitter.com/WU4u8caPZO

— ANI (@ANI) December 5, 2024

ఇస్రో వాణిజ్య విభాగం న్యూస్పేస్ ఇండియా లిమిటెడ్ (NSIL) సహకారంతో ప్రోబా-3ని ప్రయోగించింది. ప్రోబా-3 మిషన్‌లో రెండు ఉపగ్రహాలు (కరోనాగ్రాఫ్‌ స్పేస్‌క్రాఫ్ట్‌, ఆక్యుల్టర్‌ స్పేస్‌క్రాఫ్ట్‌) ఉన్నాయి. దాదాపు 550 కిలోల బరువు ఉండే ఈ ఉపగ్రహాలను అతి దీర్ఘవృత్తాకార కక్ష్యలో ప్రవేశపెడతారు. కృత్రిమ గ్రహణాన్ని సృష్టించడం ద్వారా సూర్యుడి బాహ్య వాతావరణమైన కరోనాను అధ్యయనం చేయడమే ప్రోబా-3 లక్ష్యం. ఆ రెండు ఉపగ్రహాలు పరస్పరం సమన్వయం చేసుకుంటూ క్రమపద్ధతిలో భూకక్ష్యలో విహరించ‌నున్నాయి.

ప్రోబా-3 మిషన్‌లో ప్రయోగించిన ఉపగ్రహాలు కృత్రిమ సూర్యగ్రహణ పరిస్థితులను సృష్టిస్తాయి. తద్వారా సూర్యుడి బయటి పొర అంటే.. కరోనాను అధ్యయనం చేస్తాయి. ఈ జంట ఉపగ్రహాల్లో ఒక దాంట్లో కరోనాగ్రాఫ్ ఉంటుంది. మరొకటి ఆల్టరర్ కలిగి ఉంటుంది. ఈ ఉపగ్రహాలలో ఒకటి సూర్యుడిని కనిపించకుండా కృత్రిమ గ్రహణం పరిస్థితి సృష్టిస్తే.. మరొకటి కరోనాను నిశితంగా గమనిస్తూ వస్తుంది. ప్రోబా-3 మిషన్ స్పెయిన్, పోలాండ్, బెల్జియం, ఇటలీ, స్విట్జర్లాండ్ శాస్త్రవేత్తల కృషి ఫలితం. మిషన్‌లో రెండు ఉపగ్రహాలను ఒకేసారి ప్రయోగించారు. ఈ ఉపగ్రహాలు నిర్ణీత కక్ష్యలోకి చేరుకోవడం కీలకం. ఎందుకంటే ఒకదానితో మరొకటి సమన్వయం చేసుకుంటూ కరోనాపై అధ్యయనం చేస్తాయి. ఇందులో ఏ ఒక్కటి పని చేయకపోయినా రెండో శాటిలైట్‌కు ఉపయోగం లేకుండాపోతుందని శాస్త్రవేత్తలు పేర్కొంటున్నారు.

Also Read..

Harish Rao | గచ్చిబౌలి పోలీస్‌స్టేషన్‌ వద్ద ఉద్రికత్తత.. హరీశ్‌రావును విడుదల చేయాలని బీఆర్‌ఎస్‌ ఆందోళన

Amla For Hair Growth | చ‌లికాలంలో మీ జుట్టు రాలుతూ అంద విహీనంగా మారిందా..? అయితే ఈ చిట్కాల‌ను పాటించండి..!

Salman Khan | బాబా సిద్ధిఖీ కంటే ముందు సల్మాన్‌ హత్యకు షూటర్ల ప్లాన్‌..!