Harish Rao | గచ్చిబౌలి పోలీస్‌స్టేషన్‌ వద్ద ఉద్రిక్తతత.. హరీశ్‌రావును విడుదల చేయాలని బీఆర్‌ఎస్‌ ఆందోళన

Harish Rao | గచ్చిబౌలి పోలీస్‌స్టేషన్‌ వద్ద పరిస్థితి ఉద్రిక్తంగా మారింది. మాజీ మంత్రి, సిద్దపేట ఎమ్మెల్యే హరీశ్‌రావును విడుదల చేయాలని బీఆర్‌ఎస్‌ కార్యకర్తలు ఆందోళన చేపట్టారు. హుజూరాబాద్‌ ఎమ్మెల్యే పాడి కౌశిక్‌రెడ్డి ఇంటికి వెళ్లిన సమయంలో హరీశ్‌రావును పోలీసులు అదుపులోకి తీసుకున్నారు.

Harish Rao | గచ్చిబౌలి పోలీస్‌స్టేషన్‌ వద్ద పరిస్థితి ఉద్రిక్తంగా మారింది. మాజీ మంత్రి, సిద్దపేట ఎమ్మెల్యే హరీశ్‌రావును విడుదల చేయాలని బీఆర్‌ఎస్‌ కార్యకర్తలు ఆందోళన చేపట్టారు. హుజూరాబాద్‌ ఎమ్మెల్యే పాడి కౌశిక్‌రెడ్డి ఇంటికి వెళ్లిన సమయంలో హరీశ్‌రావును పోలీసులు అదుపులోకి తీసుకున్నారు. అయితే, పోలీసులతో హరీశ్‌రావు వాగ్వాదానికి దిగారు. ఆ తర్వాత హరీశ్‌రావుతో పాటు కౌశిక్‌రెడ్డిని పోలీసులు అరెస్టు చేసి గచ్చిబౌలి పీఎస్‌కు తరలించారు. పోలీసుల విధులను అడ్డుకున్నారని.. సీఐని అడ్డగించారంటూ కౌశిక్‌రెడ్డితో పాటు పలువురిపై బంజారాహిల్స్‌ పీఎస్‌లో కేసు నమోదైంది.

మరో వైపు కౌశిక్‌రెడ్డి, హరీశ్‌రావుకు మద్దతు తెలిపేందుకు వచ్చిన ఎమ్మెల్సీ శంబీపూర్‌ రాజును అడ్డుకున్నారు. మాజీ మంత్రి జగదీశ్‌రెడ్డి, రాకేశ్‌రెడ్డిని సైతం పోలీసులు అరెస్టు చేసి రాయదుర్గం ఠాణాకు చేరుకున్నారు. అయితే, హరీశ్‌రావు, కౌశిక్‌రెడ్డిని విడుదల చేయాలని డిమాండ్‌ చేస్తూ బీఆర్‌ఎస్‌ కార్యకర్తలు పెద్ద ఎత్తున గచ్చిబౌలి పీఎస్‌కు చేరుకున్నారు. నేతల అరెస్టు సమాచారం అందుకున్న బీఆర్‌ఎస్‌ నాయకురాలు, ఎమ్మెల్సీ కవిత ఠాణాకు రాగా.. ఆమెను మాత్రమే ఠాణాలోకి అనుమతించారు. ఆందోళన చేస్తున్న కార్యకర్తలను పోలీసులు అరెస్టు చేశారు.