Indian Navy | స‌ముద్ర దొంగ‌ల ఆట‌క‌ట్టించిన ఇండియ‌న్ నేవీ.. ఇరాన్ ఫిషింగ్ షిప్‌, 20 మంది సిబ్బంది సేఫ్ రిలీజ్‌..!

Indian Navy | సోమాలియా స‌ముద్ర దొంగ‌లు అప‌హ‌రించిన ఇరాన్ ఫిషింగ్ షిప్‌ను అందులోని 20 మంది సిబ్బందిని భార‌త నావికాద‌ళం ఇండియ‌న్ ఎయిర్‌ఫోర్స్ స‌హ‌కారంతో సుర‌క్షితంగా కాపాడింది. సముద్ర దొంగ‌ల ఆట‌క‌ట్టించేంద‌కు భారత నౌకాదళం ఇండియ‌న్ ఫోర్స్‌తో క‌లిసి 48 గంట‌ల‌పాటు ఓ సాహ‌సోపేత‌మైన‌ ఆపరేషన్ నిర్వహించింది.

Indian Navy : సోమాలియా స‌ముద్ర దొంగ‌లు అప‌హ‌రించిన ఇరాన్ ఫిషింగ్ షిప్‌ను అందులోని 20 మంది సిబ్బందిని భార‌త నావికాద‌ళం ఇండియ‌న్ ఎయిర్‌ఫోర్స్ స‌హ‌కారంతో సుర‌క్షితంగా కాపాడింది. సముద్ర దొంగ‌ల ఆట‌క‌ట్టించేంద‌కు భారత నౌకాదళం ఇండియ‌న్ ఫోర్స్‌తో క‌లిసి 48 గంట‌ల‌పాటు ఓ సాహ‌సోపేత‌మైన‌ ఆపరేషన్ నిర్వహించింది. పక్కా ప్రణాళిక‌తో ముందుకు కదిలి సముద్ర దొంగలను త‌రిమికొట్టింది.

దాంతో దొంగ‌లు హైజాక్‌ చేసిన మత్స్యకారుల నౌక చెర‌వీడింది. ఎలాంటి ప్రాణనష్టం లేకుండా 20 మంది సిబ్బందిని ఇండియ‌న్ నేవీ ర‌క్షించింది. అరేబియా సముద్రంలో ఇరాన్‌కు చెందిన‌ ఫిషింగ్ షిప్‌ ‘అజిని (Azini)’ ని సోమాలియా సముద్ర దొంగలు అక్టోబ‌ర్ 29న‌ హైజాక్ చేశారు. ఆ నౌకలోని 20 మంది సిబ్బందిని కాపాడేందుకు భారత నేవీ, భార‌త‌ వైమానిక దళం సంయుక్త ఆపరేషన్ నిర్వ‌హించాయి. అక్టోబర్ 29న ఈ నౌక అపహరణకు గురైంది. నవంబర్ 2న ఈ ఆపరేషన్ విజయవంతంగా పూర్తయింది.