Indian Students | ఇరాన్‌లో చిక్కుకున్న భార‌త విద్యార్దులు.. రేపటి నుంచి త‌ర‌లించ‌నున్న ప్ర‌భుత్వం..!

Indian Students : ప‌శ్చిమాసియా దేశం ఇరాన్‌లో ఆందోళ‌న‌లు హింసాత్మ‌కంగా మార‌డంతో భార‌త ప్ర‌భుత్వం అప్ర‌మ‌త్త‌మైంది. ఆ దేశంలో చిక్కుకున్న భార‌తీయుల‌ను సుర‌క్షితంగా త‌ర‌లించేందుకు సిద్ధ‌మ‌వుతోంది.

Indian Students : ప‌శ్చిమాసియా దేశం ఇరాన్‌(Iran)లో ఆందోళ‌న‌లు హింసాత్మ‌కంగా మార‌డంతో భార‌త ప్ర‌భుత్వం అప్ర‌మ‌త్త‌మైంది. ఆ దేశంలో చిక్కుకున్న భార‌తీయుల‌ను సుర‌క్షితంగా త‌ర‌లించేందుకు సిద్ధ‌మ‌వుతోంది. రేపు(శుక్ర‌వార‌) నుంచి అక్క‌డే ఉండిపోయిన భార‌త విద్యార్థుల‌ను స్వ‌దేశం తీసుకురానుంది. ఇప్ప‌టికే టెహ్రాన్‌లోని భార‌త కార్యాల‌యం అక్క‌డ వివిధ ప్రాంతాల్లోని ఇండియ‌న్ స్టూడెంట్స్ గురించి ఆరా తీస్తోంది.

రోజురోజుకు ఇరాన్‌లో ఆందోళ‌న‌లు తీవ్ర‌మ‌వుతున్నాయి. దాంతో. ప్ర‌భుత్వం  ఇంట‌ర్నెట్ సేవలు నిలిపివేశారు. ఫోన్ సేవ‌లు కూడా దాదాపు స్తంభించిపోయాయి. ఈ నేప‌థ్యంలో భార‌త విద్యార్థులు అక్క‌డే ఉండ‌డం శ్రేయ‌స్క‌రం కాద‌ని భావించిన ప్ర‌భుత్వం వారిని స్వదేశం తీసుకొచ్చేందుకు సిద్ధ‌మ‌వుతోంది. ఈ మేర‌కు టెహ్రాన్‌లోని భార‌త దౌత్య కార్యాలయం అక్క‌డి భార‌త విద్యార్థులను సంప్ర‌దించేందుకు ప్ర‌య‌త్నిస్తోంది.

In view of the evolving situation in Iran, MEA is making preparations to facilitate the return of Indian nationals who wish to travel back to India: Sources

— ANI (@ANI) January 15, 2026

స్థానికంగా ఉద్రిక్త ప‌రిస్థితులు కొన‌సాగుతున్నందున‌ స్వ‌దేశం వెళ్లాల‌నుకునేవారిని త‌ర‌లించేందుకు చ‌ర్య‌లు చేప‌ట్ట‌నుంది. రేప‌టి నుంచి బ్యాచ్‌ల వారీగా ఇండియాకు తీసుకొచ్చేందుకు భార‌త ప్ర‌భుత్వంతో క‌లిసి ఇండియ‌న్ ఎంబ‌సీ స‌మ‌న్వ‌య‌తో ప‌ని చేయ‌నుంది. ఈ ఆప‌రేష‌న్‌కు సంబంధించిన పూర్తి వివ‌రాల‌ను భార‌త విదేశాంగ శాఖ త్వ‌ర‌లోనే వెల్ల‌డించనుంది.

3,428 మంది మృతి

గ‌తేడాది ఇరాన్ క‌రెన్సీ ‘రియాల్’ (Rial) ధ‌ర అనూహ్యంగా ప‌డిపోవ‌డం ఉద్రిక్త‌త‌ల‌కు దారి తీసింది. ప్ర‌భుత్వం విధానాల‌ను నిర‌సిస్తూ ప‌లువురు ఆందోళ‌న‌ల‌కు దిగారు. చూస్తుండ‌గానే ఈ నిర‌స‌న‌లు దేశంలోని 31 రాష్ట్రాల‌కు విస్త‌రించాయి. ఆందోళ‌నకారుల‌ను అణ‌చివేసేందుకు సైన్యం కాల్పులు జ‌ర‌ప‌గా ఇప్ప‌టికే 3,428 మంది మ‌ర‌ణించారు. దాంతో.. ఆ దేశంలో విద్య‌న‌భ్య‌సిస్తున్న భార‌తీయ విద్యార్దుల భ‌ద్ర‌త‌పై ఆందోళ‌న నెల‌కొంది. ఈ నేప‌థ్యంలోనే అక్క‌డ చిక్కుకొనిపోయిన వారిన స్వ‌దేశం తీసుకొచ్చేందుకు భార‌త ప్ర‌భుత్వం చ‌ర్య‌ల‌కు ఉప‌క్ర‌మించింది.

REGIME AT RISK: Hugh Hewitt details President Trump’s push to return freedom to the Persian people, as tensions escalate in Iran and its dictator faces serious warnings from the president like Nicolás Maduro did before the U.S. military captured him.

“A repressed people cannot… pic.twitter.com/FNmhsNi4q2

— Fox News (@FoxNews) January 13, 2026