టైగర్‌ష్రాఫ్‌పై కాల్పులు.. తీవ్రంగా గాయపడిన డ్రైవర్‌

బాలీవుడ్‌ నటుడు టైగర్‌ ష్రాఫ్‌పై కాల్పులు జరగడం దేశవ్యాప్తంగా సంచలనం రేపింది. ఆదివారం సాయంత్రం ముంబైలోని జుహు ప్రాంతంలో కారులో వెళ్తుండగా ముగ్గురు బైక్‌పై వచ్చి కాల్పులు జరిపారు. ఈ దాడిలో కారు డ్రైవర్‌తో పాటు ఆటోడ్రైవర్‌ కూడా గాయపడ్డాడని పోలీసులు తెలిపారు.

ముంబై : బాలీవుడ్‌ నటుడు టైగర్‌ ష్రాఫ్‌పై కాల్పులు జరగడం దేశవ్యాప్తంగా సంచలనం రేపింది. ఆదివారం సాయంత్రం ముంబైలోని జుహు ప్రాంతంలో కారులో వెళ్తుండగా ముగ్గురు బైక్‌పై వచ్చి కాల్పులు జరిపారు. ఈ దాడిలో కారు డ్రైవర్‌తో పాటు ఆటోడ్రైవర్‌ కూడా గాయపడ్డాడని పోలీసులు తెలిపారు. డ్రైవర్‌ పరిస్థితి విషమంగా ఉన్నట్టు తెలుస్తున్నది.

నటుడు టైగర్‌ష్రాఫ్‌ క్షేమంగా ఉన్నాడని, అతనికి ఎలాంటి గాయాలు కాలేదని పోలీసులు తెలిపారు. ఆ దుండగులు ఎవరు అనే కోణంలో సీసీ ఫుటేజ్‌ ఆధారంగా పోలీసులు ఆరా తీస్తున్నారు. అయితే ఈ కాల్పులు జరిపింది తామే అని బిష్ణోయ్‌ గ్యాంగ్‌కు చెందిన అనిల్‌ పండిత్‌, హర్మన్‌ సంధుల పేరుతో సోషల్‌ మీడియాలో పోస్టులు వైరల్‌ అవుతున్నాయి. ఈ ఘటనపై సీఎం దేవేంద్ర ఫడ్నవీస్‌ దర్యాప్తునకు ఆదేశించారు.