Gaurav Gogoi | కేంద్ర ప్రభుత్వం నీట్ అభ్యర్థులను కించపర్చింది : గౌరవ్‌ గొగోయ్‌

Gaurav Gogoi | నీట్‌-యూజీ (NEET-UG) పరీక్ష పేపర్‌ లీక్‌ కాలేదని చెప్పడం ద్వారా కేంద్ర ప్రభుత్వం అభ్యర్థులను అవమానించిందని కాంగ్రెస్ పార్టీ సీనియర్‌ నేత, ఎంపీ గౌరవ్‌ గొగోయ్‌ (Gaurav Gogoi) ఆరోపించారు.

Gaurav Gogoi : నీట్‌-యూజీ (NEET-UG) పరీక్ష పేపర్‌ లీక్‌ కాలేదని చెప్పడం ద్వారా కేంద్ర ప్రభుత్వం అభ్యర్థులను అవమానించిందని కాంగ్రెస్ పార్టీ సీనియర్‌ నేత, ఎంపీ గౌరవ్‌ గొగోయ్‌ (Gaurav Gogoi) ఆరోపించారు. విద్యార్థుల ప్రయోజనాల కాంగ్రెస్‌ పార్టీ ఎప్పటికీ ప్రభుత్వంతో పోరాడుతుందని ఆయన చెప్పారు. గడిచిన ఏడేళ్లుగా నీట్‌ పరీక్షల్లో ఎలాంటి పేపర్‌ లీకేజీలు జరగలేదని కేంద్ర విద్యామంత్రి ధర్మేంద్ర ప్రధాన్ సోమవారం లోక్‌సభ సాక్షిగా ప్రకటించడంపై గొగోయ్‌ మండిపడ్డారు.

కేంద్రమంత్రి ప్రకటన దేశంలోని విద్యార్థులను కించపర్చే విధంగా ఉందని వ్యాఖ్యానించారు. అదేవిధంగా రేపు పార్లమెంట్‌లో కేంద్ర ప్రభుత్వం ప్రవేశపెట్టబోయే బడ్జెట్‌పై కూడా గౌరవ్‌ గొగోయ్‌ స్పందించారు. కేంద్రం ప్రవేశపెట్టబోయే బడ్జెట్‌తో సామాన్యులకు ఒరిగేదేమీ లేదని అన్నారు. కేంద్రం తన బడ్జెట్‌ను ఎప్పుడైనా అదానీ, అంబానీలను దృష్టిలో ఉంచుకుని రూపొందిస్తుందని విమర్శించారు. అదానీ, అంబానీల సలహాల తీసుకునే కేంద్ర సర్కారు బడ్జెట్‌ ప్రవేశపెడుతున్నదని ఆరోపించారు.