Mount Everest | కదులుతున్న ఎవరెస్ట్‌.. సంవత్సరానికి కొన్ని మిల్లీమీటర్లు స్థానభ్రంశం

ఎవరెస్ట్‌ శిఖరం నెమ్మదిగా కదులుతున్నట్లు గ్లోబల్‌ పొజిషనింగ్‌ సిస్టమ్‌ (జీపీఎస్‌) డాటాను బట్టి తెలుస్తున్నది. భారతదేశం, యూరేసియా మధ్య భూమి లోపలి భాగంలో ఘర్షణల వల్ల ఎవరెస్ట్‌ సంవత్సరానికి కొన్ని మిల్లీమీటర్ల చొప్పున ఈశాన్య దిశగా కదులుతున్నట్లు గుర్తించారు.

Mount Everest | న్యూఢిల్లీ : ఎవరెస్ట్‌ శిఖరం నెమ్మదిగా కదులుతున్నట్లు గ్లోబల్‌ పొజిషనింగ్‌ సిస్టమ్‌ (జీపీఎస్‌) డాటాను బట్టి తెలుస్తున్నది. భారతదేశం, యూరేసియా మధ్య భూమి లోపలి భాగంలో ఘర్షణల వల్ల ఎవరెస్ట్‌ సంవత్సరానికి కొన్ని మిల్లీమీటర్ల చొప్పున ఈశాన్య దిశగా కదులుతున్నట్లు గుర్తించారు. ఈ కదలిక ఆగిపోయే సంకేతాలు కనిపించడం లేదు. దీనికి 75 కి.మీ. దూరంలోని అరుణ్‌ నది ఈ శిఖరాన్ని బలంగా ఎత్తుతున్నది.

ఈ నదితో హిమాలయ శిలలు కరిగిపోతున్నాయి. దీంతో ఎవరెస్ట్‌ శిఖరం పడవ మాదిరిగా తేలుతున్నదని అంటున్నారు. భారత్‌ సంవత్సరానికి 5 సెం. మీ. చొప్పున యూరేసియావైపు వెళ్తున్నది. వీటి మధ్య ఎవరెస్ట్‌ చిక్కుకుని, పక్కకు జరుగుతున్నది. పర్వతారోహకులు కేవలం ఎవరెస్ట్‌ శిఖరాన్ని అధిరోహించడం లేదని, వారు భూమి టెక్టోనిక్‌ ఎలివేటర్‌పై స్వారీ చేస్తున్నారని అభివర్ణిస్తున్నారు.