Gangster Atiq Ahmed: గ్యాంగ్‌స్ట‌ర్ అతిక్ శ‌రీరంలోకి దిగిన 9 బుల్లెట్లు

Gangster Atiq Ahmed: అతిక్ శ‌రీరంలోకి 9 బుల్లెట్లు దిగిన‌ట్లు పోస్టుమార్ట‌మ్‌లో తేలింది. గ్యాంగ్‌స్ట‌ర్ అతిక్‌ను యూపీలోని ప్ర‌యాగ్‌రాజ్‌లో ముగ్గురు వ్య‌క్తులు పాయింట్ బ్లాంక్ రేంజ్‌లో కాల్చిన విష‌యం తెలిసిందే.

న్యూఢిల్లీ: యూపీలో గ్యాంగ్‌స్ట‌ర్ అతిక్ అహ్మ‌ద్‌(Gangster Atiq Ahmed)ను .. ముగ్గురు వ్య‌క్తులు కాల్చి చంపిన విష‌యం తెలిసిందే. అయితే ఆ కాల్పుల్లో అత‌నికి 9 బుల్లెట్లు దిగిన‌ట్లు తెలుస్తోంది. గ్యాంగ్‌స్ట‌ర్ అతిక్ శ‌రీరంపై 9 బుల్లెట్ గాయాలు ఉన్న‌ట్లు పోస్టుమార్ట‌మ్ ప‌రీక్ష‌లో తేలిన‌ట్లు అధికార వ‌ర్గాలు చెబుతున్నాయి. అతిక్ సోద‌రుడు అష్ర‌ఫ్ అహ్మ‌ద్ శ‌రీరం నుంచి అయిదు బుల్లెట్లును తీసిన‌ట్లు తెలుస్తోంది. ప్ర‌యాగ్‌రాజ్‌లోని ఓ హాస్పిట‌ల్ వ‌ద్ద ఆ ఇద్ద‌ర్నీ కాల్చి చంపారు.

అతిక్ త‌ల‌లోకి ఒక బుల్లెట్ దిగింది. ఇక మిగితా 8 బుల్లెట్లు అత‌ని ఛాతి, వెన్నులోకి దిగాయి. మెడిక‌ల్ చెక‌ప్ కోసం ఇద్ద‌ర్ని తీసుకువెళ్తున్న స‌మ‌యంలో .. ముగ్గురు వ్య‌క్తులు పాయింట్ బ్లాంక్ రేంజ్‌లో కాల్పులు జ‌రిపారు. ఆ కాల్పుల్లో అతిక్ అక్క‌డిక్క‌డే మృతిచెందాడు. అయిదుగురు స‌భ్యుల డాక్ట‌ర్ల బృందం పోస్టు మార్ట‌మ్ నిర్వ‌హించింది. అష్ర‌ఫ్ ముఖంలోకి ఒక బుల్లెట్ దూసుకెళ్ల‌గా, నాలుగు అత‌ని వెన్నులోకి వెళ్లాయి.