బైక్‌పై ఐదుగురి ప్రయాణం.. లారీ ఢీకొని నలుగురు దుర్మరణం

చండీగఢ్‌ : ఒకే కుటుంబానికి చెందిన నలుగురు రోడ్డు ప్రమాదంలో దుర్మరణం పాలయ్యారు. ఈ ఘటన పంజాబ్‌ టర్న్‌ తరన్‌ జిల్లాలో జరిగింది. ఒకే కుటుంబానికి చెందిన ఐదుగురు కపుర్తలా నుంచి ఫతేబాద్‌కు బైక్‌పై బయలుదేరారు. ఈ క్రమంలో గురుద్వారా బాబా దండియావాలా సమీపంలో వేగంగా వచ్చిన లారీ వారిని ఢీకొట్టింది. ఈ ఘటనలో ఇద్దరు పిల్లలు సహా దంపతులు అక్కడికక్కడే మృతి చెందారు. మరో
మహిళ గాయపడగా.. ఆమెను చికిత్స నిమిత్తం ఆసుపత్రికి తరలించారు.

లారీ వేగంగా ఢీకొట్టడంతో ద్విచక్ర వాహనం కొద్ది అడుగుల దూరం ఎగిరిపడింది. దీంతో ఇద్దరు పిల్లలు సహా దంపతులు రోడ్డుపై ఎగిరిపడడంతో తీవ్ర గాయాలతో మృతి చెందారు. మరో మహిళ సైతం తీవ్రంగా గాయపడగా.. పరిస్థితి విషమంగా ఉన్నది. సమాచారం అందుకున్న పోలీసులు సంఘటనా స్థలానికి చేరుకొని మృతదేహాలను ఆసుపత్రికి తరలించారు. అయితే, ప్రమాదానికి కారణమైన ట్రక్కు డ్రైవర్‌ పారిపోలేదని, ఆ తర్వాత అతన్ని అదుపులోకి తీసుకున్నట్లు పోలీసులు వివరించారు.