BSF camp | బీఎస్‌ఎఫ్‌ క్యాంప్‌లో ఫుడ్ పాయిజనింగ్.. 75 మంది సిబ్బంది ఆస్పత్రిపాలు

BSF camp : మణిపూర్‌, ఇంఫాల్‌లోని బీఎస్‌ఎఫ్ (బోర్డర్ సెక్యూరిటీ ఫోర్స్) క్యాంపులో ఫుడ్ పాయిజనింగ్ జరిగింది. ఈ ఘటనలో దాదాపు 75 మంది బీఎస్‌ఎఫ్ జవాన్లు అస్వస్థతకు గురయ్యారు.

BSF camp : మణిపూర్‌, ఇంఫాల్‌లోని బీఎస్‌ఎఫ్ (బోర్డర్ సెక్యూరిటీ ఫోర్స్) క్యాంపులో ఫుడ్ పాయిజనింగ్ జరిగింది. ఈ ఘటనలో దాదాపు 75 మంది బీఎస్‌ఎఫ్ జవాన్లు అస్వస్థతకు గురయ్యారు. వీరితోపాటు మరో ముగ్గురు పౌరులు కూడా అస్వస్థతకు గురయ్యారు. ప్రస్తుతం వీరందరినీ ఆస్పత్రికి తరలించగా.. చికిత్స అందుతోంది. ఈ ఘటన గురువారం ఉదయం జరిగింది.

ఉదయం బీఎస్‌ఎఫ్ జవాన్లు, ఇతర సిబ్బంది బ్రేక్‌ఫాస్ట్ చేశారు. ఆ తర్వాత కొద్ది సేపటికి ఆహారం తిన్న 78 మంది అస్వస్థతకు గురయ్యారు. వాంతులు, కడుపునొప్పి వంటి లక్షణాలు మొదలయ్యాయి. దీంతో వెంటనే వారిని అత్యవసర ప్రాతిపదికన స్థానిక రీజనల్ ఇనిస్టిట్యూట్ ఆఫ్ మెడికల్ సైన్సెస్ (రిమ్స్‌)కు తరలించారు. 78 మంది చికిత్స పొందుతుండగా.. వారి పరిస్తితి ప్రస్తుతం స్తిరంగా ఉన్నట్లు వైద్యులు తెలిపారు. ప్రాణాపాయం ఏమీ లేదన్నారు.

అయితే, ఈ ఫుడ్ పాయిజనింగ్‌కు కారణం ఏంటనేది ఇంకా తెలియరాలేదు. అందరూ ఒకే ఆహారం తీసుకున్నారా.. వేర్వేరు పదార్థాలా అనేది కూడా తేలాలి. దీనిపై ఉన్నతాధికారులు విచారణ జరుపుతున్నారు. సంబంధిత ఆహార పదార్థాల్ని అధికారులు సేకరించారు. వాటి పరిశీలన అనంతరం ఈ ఘటనకు గల కారణాలు తెలియరావచ్చు.