Manipur | మణిపూర్‌లో పోలింగ్‌ కేంద్రం వద్ద కాల్పుల కలకలం.. భయంతో పరుగులు తీసిన ఓటర్లు

Manipur | ఈశాన్య రాష్ట్రం మణిపూర్‌ (Manipur)లో మరోసారి కాల్పుల (Firing) ఘటన కలకలం సృష్టించింది.

April 19, 2024 / 01:55 PM IST

Manipur | మణిపూర్‌లో పోలింగ్‌ కేంద్రం వద్ద కాల్పుల కలకలం.. భయంతో పరుగులు తీసిన ఓటర్లు

Manipur | ఈశాన్య రాష్ట్రం మణిపూర్‌ (Manipur)లో మరోసారి కాల్పుల (Firing) ఘటన కలకలం సృష్టించింది. ఇవాళ దేశవ్యాప్తంగా సార్వత్రిక ఎన్నికలకు తొలి విడత పోలింగ్‌ జరుగుతున్న విషయం తెలిసిందే. ఈ నేపథ్యంలో మణిపూర్‌లోని ఓ పోలింగ్‌ బూత్‌ (polling booth) వద్ద ఒక్కసారిగా కాల్పులు కలకలం సృష్టించాయి.

తొలి దశ ఎన్నికల్లో మణిపూర్‌లోని రెండు నియోజకవర్గాలకు ఇవాళ పోలింగ్‌ జరుగుతోంది. ఇన్నర్‌ మణిపూర్‌, ఔటర్‌ మణిపూర్‌ నియోజకవర్గాల్లో ఉదయం 7 గంటలకే పోలింగ్‌ ప్రారంభమైంది. ఓటర్లు సైతం ఓటు హక్కు వినియోగించుకునేందుకు పోలింగ్ కేంద్రాల వద్దకు తరలివస్తున్నారు. ఈ నేపథ్యంలో మొయిరాంగ్ సెగ్మెంట్‌లోని థమన్‌పోక్పిలో గల పోలింగ్ స్టేషన్ సమీపంలో కాల్పుల ఘటన కలకలం సృష్టించింది.

కొందరు దుండగులు పలు రౌండ్లు కాల్పులు జరిపారు. ఈ ఘటనతో స్థానికులు ఒక్కసారిగా భయాందోళనకు గురయ్యారు. పోలింగ్‌ బూత్‌ నుంచి బయటకు పరుగులు తీశారు. ఈ ఘటనలో ఎలాంటి ప్రాణ నష్టం సంభవించలేదు. సమాచారం అందుకున్న పోలీసులు వెంటనే అక్కడికి చేరుకొని పోలింగ్‌ కేంద్రం వద్ద భద్రతను కట్టుదిట్టం చేశారు. కాల్పులకు పాల్పడిన వారికోసం సమీపంలో గాలిస్తున్నారు. కాగా, కాల్పుల ఘటనతో పోలింగ్‌ బూత్‌ నుంచి ప్రజలు బయటకు పరుగులు తీస్తున్న వీడియో ప్రస్తుతం వైరల్‌గా మారింది.

मणिपुर में मतदान केंद्र पर भारी गोलीबारी, कई लोगों के घायल होने की खबर #LokSabhaElections2024 #ManipurViolence #Manipur #TSTTPD pic.twitter.com/0CHkFXRxhL

— Uttarakhand Tehelka (@uktehelka24) April 19, 2024