Mass Copying | ఇటానగర్‌లో ఉంటూ హర్యానాలో.. 2,600 కిలోమీటర్ల దూరం నుంచి మాస్‌ కాపీయింగ్‌

అరుణాచల్‌ ప్రదేశ్‌లో నిర్వహించిన ఒక పరీక్షలో మాస్‌ కాపీయింగ్‌ వెలుగులోకి వచ్చింది. ఎక్కడో ఇటానగర్‌లో ఉంటూ హర్యానాలోని జింద్‌ నుంచి సమాధానాలు పొందే విధంగా ప్లాన్‌ చేసుకున్న 53 మంది అభ్యర్థులను పోలీసులు చాకచక్యంగా పట్టుకున్నారు.

Mass Copying | న్యూఢిల్లీ, మే 22: అరుణాచల్‌ ప్రదేశ్‌లో నిర్వహించిన ఒక పరీక్షలో మాస్‌ కాపీయింగ్‌ వెలుగులోకి వచ్చింది. ఎక్కడో ఇటానగర్‌లో ఉంటూ హర్యానాలోని జింద్‌ నుంచి సమాధానాలు పొందే విధంగా ప్లాన్‌ చేసుకున్న 53 మంది అభ్యర్థులను పోలీసులు చాకచక్యంగా పట్టుకున్నారు. ఈ మాస్‌ కాపీయింగ్‌ వెనుకున్న మాస్టర్‌మైండ్‌ కోసం పోలీసులు వెదుకుతున్నారు.

మాస్‌ కాపీయింగ్‌ 2,600 కిలోమీటర్ల దూరంలో ఉన్న హర్యానా నుంచి ఆపరేట్‌ చేసినట్టు పోలీసుల దర్యాప్తులో బయటపడింది. మే 18న సీబీఎస్‌ఈ నవోదయ విద్యాలయాల్లో నాన్‌-టీచింగ్‌ స్టాఫ్‌ పోస్టుల కోసం జరిగిన పరీక్షల్లో ఈ మాస్‌ కాపీయింగ్‌ చోటుచేసుకుంది. ఎగ్జామ్‌ సెంటర్లోని ఓ అభ్యర్థి అధునాతన ఎలక్ట్రానిక్‌ డివైజ్‌లు, మైక్రో ఇయర్‌పీస్‌ను వాడుతూ ఇన్విజిలేటర్‌కు దొరికిపోయాడు. అతడి నుంచి పోలీసులు మరింత సమాచారాన్ని రాబట్టగా 53 మంది గుట్టు రట్టు అయ్యింది.