Visit:
కోల్కతా: అసెంబ్లీ ఎన్నికలు జరిగిన పశ్చిమ బెంగాల్, అస్సాం, కేరళ, తమిళనాడు, పుదుచ్చేరిలో సోమవారం కౌంటింగ్ నిర్వహించి ఫలితాలు ప్రకటించనున్నారు. అయితే పశ్చిమ బెంగాల్లోని ఫాల్తా నియోజకవర్గంలో మే 21న రీపోలింగ్ జరుగనున్నది. (Bengal Repoll) ఈ నేపథ్యంలో అక్కడి ఫలితాన్ని మే 24న ప్రకటిస్తారు. ఫాల్తా నియోజకవర్గంలోని 285 పోలింగ్ కేంద్రాల్లో ఓటింగ్ సందర్భంగా పలు అవకతవకలు జరిగినట్లు కేంద్ర ఎన్నికల కమిషన్ (ఈసీ) నిర్ధారించింది. బ్యాలెట్ యూనిట్లపై ఉన్న బటన్లపై నల్ల టేపులు అంటించి ఓ అభ్యర్థికి ఓటు వేయకుండా అడ్డుకున్నారని ఆరోపించింది. అలాగే ఒక నిర్దిష్ట అభ్యర్థికి ఓటు వేసిన వారిని గుర్తించడానికి బ్యాలెట్ యూనిట్ల బటన్లపై పెర్ఫ్యూమ్, సిరా పూసినట్లు నివేదికలో పేర్కొంది.
కాగా, పలు పోలింగ్ కేంద్రాల వద్ద వీడియో ప్రసారంలో సుదీర్ఘ అంతరాలు ఏర్పడినట్లు ఈసీ ధృవీకరించింది. అత్యధిక ఓటింగ్ జరిగే సమయాల్లో స్టోరేజ్ చిప్లు ఖాళీగా ఉండటం, సంబంధం లేని ఎన్నికల ఫుటేజీని కలిగి ఉండటంతో పాటు ప్రసార అంతరాలను గుర్తించింది. ఈ నేపథ్యంలో ఓటర్లను ఓటు వేయకుండా నిరోధించడానికి లేదా బెదిరింపులు, భయపెట్టే ఎత్తుగడలతోపాటు పోలింగ్ కేంద్రాలను బలవంతంగా స్వాధీనం, బూత్ క్యాప్చరింగ్లకు పాల్పడినట్లు, భారీగా నకిలీ ఓటింగ్ జరిగినట్లు ఈసీ ఆరోపించింది.
మరోవైపు ఈ అవకతవకల గుర్తింపుతో పాటు రీపోలింగ్ డిమాండ్ల నేపథ్యంలో ఫాల్తా నియోజకవర్గంలోని 285 పోలింగ్ కేంద్రాల్లో జరిగిన ఓటింగ్ను ఈసీ రద్దు చేసింది. ఆ పోలింగ్ కేంద్రాల్లో మే 21న రీపోలింగ్ నిర్వహించాలని, మే 24న కౌంటింగ్ నిర్వహించి ఫలితాన్ని ప్రకటించాలని బెంగాల్ ఎన్నికల కమిషనర్ను ఈసీ ఆదేశించింది.
Also Read:
Boy Killed For Plucking Watermelons | సొంత పొలంలో పుచ్చకాయలు కోసిన బాలుడు.. హత్య చేసిన కౌలుదారులు
siblings found murdered | ఇటుకలతో కొట్టి నలుగురు పిల్లల దారుణ హత్య.. పరారీలో తల్లి
