Earthquake | సిక్కింలో భూకంపం.. ఇండ్ల నుంచి జనం పరుగులు

సిక్కింలో భూకంపం (Earthquake) వచ్చింది. శుక్రవారం ఉదయం 6.57 గంటలకు సోరెంగ్‌లో (Soreng) భూమి కంపించింది. రిక్టర్‌ స్కేలుపై దాని తీవ్రత 4.4గా నమోదయిందని నేషనల్‌ సెంటర్‌ ఫర్‌ సీస్మాలజీ (NCS) తెలిపింది. పది కిలోమీటర్ల లోతులో భూకంప కేంద్రం ఉన్నదని వెల్లడించింది.

న్యూఢిల్లీ: సిక్కింలో భూకంపం (Earthquake) వచ్చింది. శుక్రవారం ఉదయం 6.57 గంటలకు సోరెంగ్‌లో (Soreng) భూమి కంపించింది. రిక్టర్‌ స్కేలుపై దాని తీవ్రత 4.4గా నమోదయిందని నేషనల్‌ సెంటర్‌ ఫర్‌ సీస్మాలజీ (NCS) తెలిపింది. పది కిలోమీటర్ల లోతులో భూకంప కేంద్రం ఉన్నదని వెల్లడించింది. అయితే భూకంపం వల్ల జరిగిన నష్టానికి సంబంధించిన వివరాలు ఇంకా తెలియరాలేదు. ఈ నెల 6న మణిపూర్‌, మేఘాలయలో భూమి కంపించింది. వాటి తీవ్రత 3.1, 2.9గా నమోదయింది. అదేరోజున అరుణాచల్‌ప్రదేశ్‌లో కూడా 2.3 తీవ్రతతో స్వల్ప భూకంపం వచ్చిన విషయం తెలిసిందే.

కాగా, గురువారం జపాన్‌ (Japan)లో భారీ భూకంపం (Earthquake) సంభవించింది. నైరుతి దీవులైన క్యుషు, షికోకును శక్తివంతమైన భూకంపం వణికించింది. భూకంపం తీవ్రత రిక్టరు స్కేలుపై 7.1గా నమోదైంది. భూకంపం ధాటికి భారీ భవంతులు ఊగిపోయాయి. ఈ భూ ప్రకంపనల ధాటికి ప్రజలు తీవ్ర భయాందోళనకు గురయ్యారు. ఇళ్లు, కార్యాలయాల నుంచి ఒక్కసారిగా బయటకు పరుగులు తీశారు. భారీ భూకంపం నేపథ్యంలో అధికారులు పలు ప్రాంతాలకు సునామీ (tsunami) హెచ్చరికలు చేశారు. మియాజాకి, కొచ్చి, ఓయిటా, కగోషిమా, ఎహిమ్ ప్రిఫెక్చర్‌లకు సునామీ హెచ్చరికలు జారీ చేశారు. ఇక క్యుషులోని మియాజాకి ప్రిఫెక్చర్‌లో ఇప్పటికే 20 సెంటీమీటర్ల ఎత్తు మేర అలలు ఎగసిపడ్డాయి.

An earthquake of magnitude 4.4 on the Richter Scale occurred today at 06:57 IST in Soreng, Sikkim: National Center for Seismology pic.twitter.com/EWi8YnlXSK

— ANI (@ANI) August 9, 2024