‘ప్రళయ్‌’ క్షిపణి పరీక్ష విజయవంతం

అత్యాధునిక ‘ప్రళయ్‌' క్వాసీ బాలిస్టిక్‌ క్షిపణిని మంగళవారం ఒడిశాలోని డాక్టర్‌ ఏపీజే అబ్దుల్‌ కలాం ద్వీపం నుంచి డీఆర్‌డీవో విజయవంతంగా పరీక్షించింది. ఈ క్షిపణి 500 కిలోమీటర్ల దూరంలోని లక్ష్యాలను ఛేదించగలదు.

న్యూఢిల్లీ: అత్యాధునిక ‘ప్రళయ్‌’ క్వాసీ బాలిస్టిక్‌ క్షిపణిని మంగళవారం ఒడిశాలోని డాక్టర్‌ ఏపీజే అబ్దుల్‌ కలాం ద్వీపం నుంచి డీఆర్‌డీవో విజయవంతంగా పరీక్షించింది. ఈ క్షిపణి 500 కిలోమీటర్ల దూరంలోని లక్ష్యాలను ఛేదించగలదు.

సాధారణ బాలిస్టిక్‌ క్షిపణులతో పోలిస్తే తక్కువ ఎత్తులో ప్రయాణిస్తూ, గాలిలో దిశను మార్చుకునే సామర్థ్యం ప్రళయ్‌ సొంతం. దీంతో శత్రువుల వైమానిక రక్షణ వ్యవస్థలకు దీన్ని అడ్డుకోవడం కష్టమవుతుంది. ఈ క్షిపణిని భారత సైన్యం, వైమానిక దళంలో ప్రవేశపెట్టనున్నారు.