Pinaka Weapon System: పినాకా రాకెట్ లాంచ‌ర్‌ను ప‌రీక్షించిన డీఆర్డీవో

Pinaka Weapon System: పినాకా వెప‌న్ సిస్ట‌మ్‌ను డీఆర్డీవో విజ‌య‌వంతంగా ప‌రీక్షించింది. మూడు వేర్వేరు ఫీల్డ్ ఫైరింగ్ రేంజ్‌ల్లో.. మూడు ద‌శ‌ల్లో ఆ టెస్టింగ్ నిర్వ‌హించారు. పినాకా వెప‌న్ సిస్ట‌మ్‌ను కొనుగోలు చేసేందుకు ఫ్రాన్స్, ఆర్మీఏనియా దేశాలు ఆస‌క్తి చూపుతున్నాయి.

న్యూఢిల్లీ: పినాకా రాకెట్ లాంచ‌ర్‌(Pinaka Weapon System)ను ఇవాళ డీఆర్డీవో విజ‌య‌వంతంగా ప‌రీక్షించింది. ప్ర‌పంచ‌వ్యాప్తంగా ఆ వెప‌న్ సిస్ట‌మ్‌కు డిమాండ్ ఉన్న నేప‌థ్యంలో.. అడ్వాన్స్‌డ్ గైడెడ్ వెప‌న్ సిస్ట‌మ్‌ను డీఆర్డీవో డెవ‌ల‌ప్ చేసింది. పినాకా ఆయుధ వ్య‌వ‌స్థకు చెందిన రేంజ్‌, క‌చ్చిత‌త్వాన్ని, స్థిర‌త్వాన్ని, ఫైరింగ్ రేట్‌ను ప‌రీక్షించారు. ప్రొవిజిన‌ల్ స్టాఫ్ క్వాలిటేటివ్ రిక్వైర్మెంట్స్ ట్ర‌య‌ల్స్‌లో భాగంగా పినాకా వెప‌న్ సిస్ట‌మ్‌ను టెస్ట్ చేశారు. పినాకా లాంచ‌ర్ల ద్వారా 12 రాకెట్ల‌ను ఫైరింగ్ చేసిన‌ట్లు ఒక ప్ర‌క‌ట‌న‌లో తెలిపారు.

మేకిన్ ఇండియా ఉత్ప‌త్తికి ర‌క్ష‌ణ శాఖ ఊతం ఇస్తున్న సంద‌ర్భంగా ఇత‌ర దేశాలు ఆ వెప‌న్ సిస్ట‌మ్‌పై ఆస‌క్తి చూపుతున్నాయి. పినాకా మ‌ల్టీ బారెల్ రాకెట్ లాంచ‌ర్ పై ఫ్రాన్స్ ఆస‌క్తిగా ఉన్న‌ట్లు తెలుస్తోంది. అమెరికాకు చెందిన హిమార్స్ సిస్ట‌మ్‌తో స‌మానంగా పినాకా వెప‌న్ సిస్ట‌మ్‌ను పోల్చుతున్నారు. ర‌క్ష‌ణ ఉత్ప‌త్తుల్లో పినాకా ఎగుమ‌తి రికార్డు సృష్టించ‌నున్న‌ది. ఆర్మేనియా తొలుత వీటి కోసం ఆర్డ‌ర్ ఇచ్చింది. ఆర్మీని బ‌లోపేతం చేసుకునేందుకు ఫ్రాన్స్ కూడా ఆ వెప‌న్ సిస్ట‌మ్‌పై ఇంట్రెస్టింగ్‌గా ఉన్న‌ది. మ‌రికొన్ని వారాల్లో ఆ సిస్ట‌మ్‌ను టెస్ట్ చేయ‌నున్న‌ట్లు ఫ్రాన్స్ తెలిపింది.

శివుడి విల్లును పినాకం అని పిలుస్తారు. ఆ పేరుతో రాకెట్ సిస్ట‌మ్‌ను డెవ‌ల‌ప్ చేశారు. భార‌త ఆర్మీ వ‌ద్ద ఉన్న ర‌ష్య‌న్ గ్రాడ్ బీఎం-12కు రీప్లేస్మెంట్‌గా ఈ రాకెట్ సిస్ట‌మ్‌ను త‌యారు చేశారు. 1999లో కార్గిల్ యుద్ధ స‌మ‌యంలో దీన్ని వినియోగించారు. వ్యూహాత్మ‌కంగా ఎత్తు ప్ర‌దేశాల్లో ఉన్న పాకిస్థాన్ స్థావ‌రాల‌ను పికానా సిస్ట‌మ్ ద్వారా పేల్చివేశారు. ఆర్మ‌మెంట్ రీస‌ర్చ్ అండ్ డెవ‌ల‌ప్మెంట్ ఎస్టాబ్లిష్‌మెంట్ ఈ పినాకా రాకెట్ సిస్ట‌మ్‌ను డెవ‌ల‌ప్ చేసింది. మ‌ల్టీ బార‌ల్ రాకెట్ సిస్ట‌మ్‌లో రెండు పాడ్స్ ఉంటాయి. వీటిల్లో ఆరేసి రాకెట్లను నింపుతారు. ఆ త‌ర్వాత కేవ‌లం 44 సెక‌న్ల‌లోనే ఆ 12 రాకెట్ల‌ను ఫైర్ చేస్తారు. 700 x 500 మీట‌ర్ల ఏరియా ఆ ఫైరింగ్‌తో నేల‌మ‌ట్టం అవుతుంది. ఆ సిస్ట‌మ్‌లో ఉన్న బ్యాట‌రీ మొత్తం 72 రాకెట్ల‌ను ఫైర్ చేయ‌గ‌ల‌దు.

DRDO has successfully completed the Flight Tests of Guided #Pinaka Weapon System. Various parameters such as ranging, accuracy, consistency and rate of fire for multiple target engagement in a salvo mode were assessed during the trials. The tests were conducted in three phases at… pic.twitter.com/qVtq4MqCse

— Ministry of Defence, Government of India (@SpokespersonMoD) November 14, 2024