Dimagi Naxal Party | ఇన్‌స్టాలో ‘దిమాగీ నక్సల్‌ పార్టీ’ రికార్డు.. రాత్రికి రాత్రే లక్షకుపైగా ఫాలోవర్లు

ప్రధాని మోదీ స్వాతంత్య్ర దినోత్సవ ప్రసంగంలో ‘దిమాగీ నక్సల్‌' అనే పదాన్ని ఉపయోగించిన మర్నాడు ‘దిమాగీ నక్సల్‌ పార్టీ’ అనే వ్యంగ్య ఇన్‌స్టాగ్రామ్‌ ఖాతా వెలుగులోకి వచ్చి, రాత్రికి రాత్రే 1,81,000కు పైగా ఫాలోవర్లను సంపాదించుకుంది.

• రాత్రికి రాత్రే లక్షకుపైగా ఫాలోవర్లు

న్యూఢిల్లీ: ప్రధాని మోదీ స్వాతంత్య్ర దినోత్సవ ప్రసంగంలో ‘దిమాగీ నక్సల్‌’ అనే పదాన్ని ఉపయోగించిన మర్నాడు ‘దిమాగీ నక్సల్‌ పార్టీ’ అనే వ్యంగ్య ఇన్‌స్టాగ్రామ్‌ ఖాతా వెలుగులోకి వచ్చి, రాత్రికి రాత్రే 1,81,000కు పైగా ఫాలోవర్లను సంపాదించుకుంది. సోమవారం మధ్యాహ్నం నాటికి ఈ ఇన్‌స్టా పేజీ 2 లక్షలకు పైగా ఫాలోవర్లను సొంతం చేసుకుంది. ‘కాక్రోచ్‌ జనతా పార్టీ’ బాటలో ఈ ఖాతా కూడా ఒక ఆన్‌లైన్‌ వ్యంగ్య ఉద్యమంగా తనను తాను ప్రదర్శించుకుంది. ఈ ఖాతా ప్రారంభించిన తొలిపోస్టులో తమ పార్టీలో ఎవరు చేరవచ్చో తెలియజేసింది. దానిలో ‘మీ సొంత నాయకులతోనే మీరు విభేదించగలిగితేనే మా పార్టీలో చేరవచ్చు’ అనే నిబంధన అగ్రస్థానంలో ఉంది. సోమవారం ఈ పేజీ కొంతసేపు అందుబాటులో లేకుండా పోయింది. అదే సమయంలో ఇదే పేరుతో సోషల్‌ మీడియాలో మరికొన్ని ఖాతాలు పుట్టుకొచ్చాయి.