Visit:
న్యూఢిల్లీ: ఢిల్లీ నగర వీధుల్లో ఓ పెళ్లి కూతురు స్కూటీ డ్రైవ్‌ చేసిన వీడియో సోషల్‌ మీడియాలో వైరల్‌గా మారింది. ఆ వీడియోలో ఓ యువతి పెళ్లి దుస్తులు, నగలు ధరించి స్కూటీపై రోడ్డు మీదకు వచ్చింది. తలకు హెల్మెట్‌ ధరించకుండానే రయ్‌ మంటూ రోడ్డు మీదుగా దూసుకుపోయింది. తర్వాత ఆ వీడియోను సోషల్‌ మీడియాలో పోస్టు చేసింది.
ఆ వీడియో బ్యాక్‌గ్రౌండ్‌లో ‘సజ్నా జీ వారీ వారీ’ అనే పాట వినిపిస్తోంది. అయితే ఢిల్లీ పోలీసులు ఆ వీడియోను ఎడిట్‌ చేసి మరో వీడియోను పోస్ట్‌ చేశారు. ఆ యువతి రైడ్‌ వీడియోకు పోలీసులు చలాన్‌ వీడియోను జతచేసి తమ అధికారిక ట్విటర్‌ ఖాతాలో పెట్టారు. యువతి హెల్మెట్‌ ధరించకుండా డ్రైవ్‌ చేసినందుకు చలాన్‌ వేసినట్లు పేర్కొన్నారు.
రీల్ కోసం ఇలాంటి వీడియోలు చేస్తే.. లైఫ్‌ రిస్క్‌లో పడే ప్రమాదం ఉంది అనే అర్థం వచ్చే క్యాప్షన్‌ను ఆ వీడియోకు జతచేశారు. కింది వీడియోలో పెళ్లి కూతురు దుస్తుల్లో యువతి స్కూటీ నడిపిన దృశ్యాలను మీరు కూడా వీక్షించవచ్చు. మరింకెందుకు ఆలస్యం ఒకసారి వీడియోపై లుక్కేయండి..
Going ‘Vaari Vaari Jaaun’ on the road for a REEL makes your safety a REAL WORRY!
Please do not indulge in acts of BEWAKOOFIYAN! Drive safe.@dtptraffic pic.twitter.com/CLx5AP9UN8
— Delhi Police (@DelhiPolice) June 10, 2023
