Dayanidhi Maran | పార్టీకి ఓటేసిన వారిని పక్కనపెట్టి మద్దతిస్తున్న పార్టీల కొమ్ముకాస్తున్నారు :  మోదీపై దయానిధి మారన్ ఫైర్‌

Dayanidhi Maran : ప్రధాని నరేంద్ర మోదీ తమ పార్టీకి ఓటు వేసిన వారి కోసం కూడా పనిచేయడం లేదని, కేవలం తనకు మద్దతిస్తున్న పార్టీల కోసమే పనిచేస్తున్నారని డీఎంకే ఎంపీ దయానిధి మారన్‌ అన్నారు.

Dayanidhi Maran : ప్రధాని నరేంద్ర మోదీ తమ పార్టీకి ఓటు వేసిన వారి కోసం కూడా పనిచేయడం లేదని, కేవలం తనకు మద్దతిస్తున్న పార్టీల కోసమే పనిచేస్తున్నారని డీఎంకే ఎంపీ దయానిధి మారన్‌ అన్నారు. తమిళనాడు సీఎం ఎంకే స్టాలిన్‌ నుంచి ప్రధాని మోదీ సలహా తీసుకోవాల్సిన సమయం ఆసన్నమైందని తాను భావిస్తున్నానని చెప్పారు.

లోక్‌సభలో బుధవారం దయానిధి మారన్ మాట్లాడుతూ కేవలం తనకు ఓటు వేసిన వారి కోసమే కాకుండా తనకు ఓటు వేయని వారి కోసం కూడా పనిచేస్తానని స్టాలిన్‌ చెబుతారని, ఇది తన బాధ్యతని ఆయన చెబుతుంటారని దయానిధి మారన్‌ గుర్తుచేశారు. కానీ ప్రధాని మోదీ మాత్రం తనకు ఓటు వేసిన ప్రజలనూ విస్మరిస్తున్నారని, కేవలం తనకు మద్దతిచ్చే పార్టీల బాగోగులనే పట్టించుకుంటున్నారని దుయ్యబట్టారు.

కాగా, కేంద్ర ఆర్థికశాఖ మంత్రి నిర్మలా సీతారామన్‌ ప్రవేశ పెట్టిన బడ్జెట్‌ (Union Budget 2024) పై ప్రతిపక్ష ‘ఇండియా’ కూటమి (INDIA parties) నేతలు తీవ్ర అసంతృప్తి వ్యక్తం చేస్తున్నారు. ఈ మేరకు కేంద్ర బడ్జెట్‌కు వ్యతిరేకంగా నిరసన తెలిపారు. బుధవారం ఉదయం సమావేశాలకు ముందు కూటమి పార్టీలకు చెందిన ఎంపీలంతా పార్లమెంట్‌ (Parliament) వద్దకు చేరుకొని ఆందోళన చేపట్టారు. ప్రభుత్వానికి వ్యతిరేకంగా నినాదాలు చేశారు. ప్రభుత్వాన్ని కాపాడుకునేందుకు ప్రవేశ పెట్టిన బడ్జెట్‌ ఇది అని ఆరోపించారు.

Read More :

Vijay Devarakonda | విజయ్ లుక్ లీక్ అయ్యిందా.. కావాల‌నే లీక్ చేశారా.?