MLA wraps snake around neck | పూలదండలను నిరాకరించి.. మెడలో పాము వేసుకున్న ఎమ్మెల్యే

MLA wraps snake around neck | ఒక ఎమ్మెల్యే తన పుట్టిన రోజు సందర్భంగా అభిమానులు ఇచ్చే పూల దండలు నిరాకరించారు. బుట్టలో ఉన్న ఒక పామును తీసుకుని తన మెడలో వేసుకున్నారు. (MLA wraps snake around neck) ఇది చూసి ఆయన అభిమానులు షాక్‌ అయ్యారు.

భోపాల్‌: ఒక ఎమ్మెల్యే తన పుట్టిన రోజు సందర్భంగా అభిమానులు ఇచ్చే పూల దండలు నిరాకరించారు. బుట్టలో ఉన్న ఒక పామును తీసుకుని తన మెడలో వేసుకున్నారు. (MLA wraps snake around neck) ఇది చూసి ఆయన అభిమానులు షాక్‌ అయ్యారు. మధ్యప్రదేశ్‌లోని షియోపూర్‌లో ఈ సంఘటన జరిగింది. కాంగ్రెస్ ఎమ్మెల్యే బాబు జండేల్ శుక్రవారం తన బర్త్‌ డేను విచిత్రంగా జరుపుకున్నారు. ఆయన అభిమానులు ఇచ్చిన పూల దండలను నిరాకరించారు. వాటిని తిరిగి వారికే ఇచ్చేశారు. అనంతరం పాములు ఆడించే వ్యక్తికి చెందిన బుట్టలో ఉన్న పామును తీసుకుని మెడలో వేసుకున్నారు. ఇది చూసి అక్కడున్న వారంతా ఆశ్చర్యపోయారు.

కాగా, తన పుట్టిన రోజును చాలా సింపుల్‌గా జరుపుకుంటానని కాంగ్రెస్‌ ఎమ్మెల్యే బాబు జండేల్‌ తెలిపారు. జంతువులు తన స్నేహితుల్లాంటివని చెప్పారు. తన పెరట్లో జాస్మిన్‌ చెట్టు ఉన్నదని, తరచుగా పాములు వస్తుంటాయని అన్నారు. తాను శివ భక్తుడినని అందుకే శివుడి ప్రతిరూపమైన పామును మెడలో వేసుకున్నట్లు మీడియాకు వెల్లడించారు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది.