Sonia Gandhi: ఇన్‌స్టాగ్రామ్‌లోకి సోనియా గాంధీ.. ఫాలోఅవుతున్న కాంగ్రెస్ నేత‌లు

Sonia Gandhi: సోనియా గాంధీ ఇన్‌స్టాగ్రామ్ అకౌంట్ ఓపెన్ చేశారు. ఆ వెంట‌నే ఆమె రాహుల్‌, ప్రియాంకాల‌ను ఫాలో అయ్యారు. ఆత్మ‌క‌థ బుక్ పిక్స్‌ను కూడా ఆమె పోస్టు చేశారు. సీనియ‌ర్ కాంగ్రెస్ నేత‌లు .. సోనియా అకౌంట్‌ను ఫాలో అవుతున్నారు.

న్యూఢిల్లీ: కాంగ్రెస్ పార్ల‌మెంట‌రీ పార్టీ చైర్‌ప‌ర్స‌న్ సోనియా గాంధీ(Sonia Gandhi) ఇన్‌స్టాగ్రామ్‌లోకి ఎంట్రీ ఇచ్చారు. గురువారం ఆమె సోష‌ల్ మీడియా అకౌంట్ ఓపెన్ చేసి కొన్ని ఫోటోలు పోస్టు చేశారు. త‌న ఆత్మ‌క‌థ బుక్‌కు చెందిన‌ ఫ‌స్ట్ లుక్‌ను ఆమె ఆ ఫోటోల్లో రిలీజ్ చేశారు. చాన్నాళ్ల త‌ర్వాత ఆమె సోష‌ల్ మీడియాలో మ‌ళ్లీ ప్ర‌త్య‌క్షం అయ్యారు. ఇన్‌స్టా అకౌంట్ ఓపెన్ చేసిన త‌ర్వాత‌.. వెంట‌నే ఆమె రాహుల్ గాంధీ, ప్రియాంకా గాంధీ అకౌంట్ల‌ను ఫాలో అయ్యారు. కాంగ్రెస్ పార్టీ ఇన్‌స్టా అకౌంట్‌ను కూడా ఆమె ఫాలో అవుతున్నారు. రాహుల్ గాంధీతో పాటు ఇత‌ర సీనియ‌ర్ కాంగ్రెస్ నేత‌లు అంద‌రూ సోనియా ఇన్‌స్టా అకౌంట్‌ను ఫాలో అవుతున్నారు. సోనియాపై సీనియ‌ర్ నేత‌లు ప్ర‌శంస‌లు కురిపించారు. బిలాంగింగ్.. ఏ జ‌ర్మీ ఆఫ్ ల‌వ్‌ ఆత్మ‌క‌థ బుక్ కోసం ఎదురుచూస్తున్న‌ట్లు చెప్పారు.