Car Hits Pothole, Crash Bus | గుంతలో పడి అదుపుతప్పి, బస్సును ఢీకొట్టిన కారు.. ఐదుగురు మృతి

Car Hits Pothole, Crash Bus | ఒక కారు గుంతలో పడి అదుపుతప్పింది. ఎదురుగా వస్తున్న ఆర్టీసీ బస్సును వేగంగా ఢీకొట్టింది. దీంతో ఆ కారు నుజ్జు కావడంతో పాటు దాని భాగాలు చెల్లాచెదురుగా రోడ్డుపై పడ్డాయి. అందులో ప్రయాణించిన చిన్నారి సహా ఐదుగురు ఈ ప్రమాదంలో మరణించారు.

ముంబై: ఒక కారు గుంతలో పడి అదుపుతప్పింది. ఎదురుగా వస్తున్న ఆర్టీసీ బస్సును వేగంగా ఢీకొట్టింది. దీంతో ఆ కారు నుజ్జు కావడంతో పాటు దాని భాగాలు చెల్లాచెదురుగా రోడ్డుపై పడ్డాయి. అందులో ప్రయాణించిన చిన్నారి సహా ఐదుగురు ఈ ప్రమాదంలో మరణించారు. పోలీసులు సంఘటనా స్థలానికి చేరుకుని సహాయక చర్యలు చేపట్టారు. (Car Hits Pothole, Crash Bus) మహారాష్ట్రలోని బీడ్ జిల్లాలో ఈ సంఘటన జరిగింది. పంధర్‌పూర్-ఖమ్‌గావ్ జాతీయ రహదారిలోని షిండేవాడి ఫాటా సమీపంలో వేగంగా వస్తున్న స్విఫ్ట్ కారు ఒక గుంతలో పడింది. దీంతో డ్రైవర్ కారుపై నియంత్రణ కోల్పోయాడు. ఈ నేపథ్యంలో ఎదురుగా వస్తున్న ఆర్టీసీ బస్సును ఆ కారు బలంగా ఢీకొట్టింది. ఈ ప్రమాదంలో అది పూర్తిగా నుజ్జునుజ్జు అయింది. కారు శిథిలాలు, బంపర్ ముక్కలు రోడ్డుపై చెల్లాచెదురుగా పడ్డాయి.

కాగా, ఈ ప్రమాదం గురించి తెలుసుకున్న వెంటనే పోలీసులు సంఘటనా స్థలానికి చేరుకున్నారు. స్థానికులతో కలిసి సహాయక చర్యలు చేపట్టారు. కారులో ప్రయాణించిన చిన్నారితో సహా ఐదుగురు ఈ ప్రమాదంలో మరణించగా బస్సులోని ప్రయాణికులు సురక్షితంగా ఉన్నారు.

మరోవైపు మృతులను మజల్‌గావ్‌కు చెందిన ఒక కుటుంబ సభ్యులుగా పోలీసులు గుర్తించారు. దర్శనం కోసం తులజాపూర్‌కు వెళ్లి కారులో వారు తిరిగి వస్తుండగా ఈ ప్రమాదం జరిగినట్లు తెలుసుకున్నారు. మృతదేహాలను పోస్ట్‌మార్టం కోసం ప్రభుత్వ ఆసుపత్రికి తరలించారు. ఈ ప్రమాదంపై పోలీసులు దర్యాప్తు చేస్తున్నారు. ఈ సంఘటన వల్ల హైవేపై భారీగా ట్రాఫిక్ జామ్ ఏర్పడటంతో దానిని క్లియర్‌ చేశారు.