watch: కుక్క పిల్లను ఎత్తైన భవనం నుంచి పడేసిన బాలుడు.. తర్వాత ఏం జరిగిందంటే?

Boy Throws Puppy | ఒక బాలుడు కుక్క పిల్లను ఎత్తైన భవనం నుంచి కింద ఉన్న రోడ్డుపై పడేశాడు. ఆ సమయంలో అక్కడున్న కొందరు దీనిని చూసినప్పటికీ ఎవరూ అడ్డుకునే ప్రయత్నం చేయలేదు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది. దీంతో నిరసనలు వెల్లువెత్తాయి.

లక్నో: ఒక బాలుడు కుక్క పిల్లను ఎత్తైన భవనం నుంచి కింద ఉన్న రోడ్డుపై పడేశాడు. (Boy Throws Puppy) ఆ సమయంలో అక్కడున్న కొందరు దీనిని చూసినప్పటికీ ఎవరూ అడ్డుకునే ప్రయత్నం చేయలేదు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది. దీంతో నిరసనలు వెల్లువెత్తాయి. ఈ నేపథ్యంలో ఆ బాలుడిపై కేసు నమోదైంది. ఉత్తరప్రదేశ్‌లోని గ్రేటర్‌ నోయిడాలో ఈ సంఘటన జరిగింది. అవెన్యూ గౌర్‌ సిటీ -2, టవర్ ఆర్‌-14లో నివసించే తొమ్మిదేళ్ల బాలుడు ఇటీవల జంతు హింసకు పాల్పడ్డాడు. చెట్ల పొదల వద్ద ఉన్న చిన్న కుక్క పిల్లను చేతుల్లోకి తీసుకున్నాడు. ఎత్తైన బిల్డింగ్‌ పైనుంచి కింద వాహనాలు వెళ్తున్న రోడ్డు వైపు విసిరేశాడు. చాలా ఎత్తు నుంచి రోడ్డుపై పడిన ఆ కుక్క పిల్ల చనిపోయింది.

కాగా, ఈ సంఘటనకు సంబంధించిన వీడియో క్లిప్‌ సోషల్‌ మీడియాలో వైరల్‌ అయ్యింది. దీంతో జంతు హింస పట్ల నిరసనలు వెల్లువెత్తాయి. పీపుల్ ఫర్ యానిమల్స్ (పీఎఫ్‌ఏ) వాలంటీర్‌ ఈ సంఘటనపై పోలీసులకు ఫిర్యాదు చేశాడు. ఫన్‌ కోసం చిన్న పిల్లలతో ఇలాంటి వీడియో రీల్స్‌ తీయిస్తున్నారని ఆరోపించాడు. ఇది చూసి మిగతా పిల్లలు కూడా ఇలాంటి చర్యలకు పాల్పడుతున్నారని ఆందోళన వ్యక్తం చేశాడు. ఇటీవల ఈ ప్రాంతంలో కొన్ని కుక్క పిల్లలు మరణించాయని ఫిర్యాదులో పేర్కొన్నాడు. ఈ నేపథ్యంలో కుక్క పిల్లను రోడ్డు మీదకు విసిరి చంపిన తొమ్మిదేళ్ల బాలుడిపై పోలీసులు కేసు నమోదు చేశారు.

 

UP : ग्रेटर नोएडा की गौर सिटी सोसाइटी में पिल्ले को नीचे फेंकने के मामले में अज्ञात लड़के पर FIR हुई। FIR के खिलाफ आज सोसाइटी निवासियों ने हंगामा–प्रदर्शन किया। https://t.co/2cuhPF4oG6 pic.twitter.com/zubLtnHONG

— Sachin Gupta (@Sachingupta) February 4, 2024