హెయిర్‌ ట్రాన్స్‌ప్లాంట్‌పై జాగ్రత్త

బట్ట తలను కవర్‌ చేసుకోవడానికి చేయించుకున్న హెయిర్‌ ట్రాన్స్‌ప్లాంట్‌ శస్త్ర చికిత్స వికటించి ఇద్దరు ఇంజినీర్లు ఇటీవల మృతి చెందారు. ఈ ఘటన ఉత్తరప్రదేశ్‌లోని కాన్పూర్‌లో జరిగింది.

• సర్జరీ వికటించి ఇద్దరు ఇంజినీర్ల మృతి

కాన్పూర్‌, మే 17: బట్ట తలను కవర్‌ చేసుకోవడానికి చేయించుకున్న హెయిర్‌ ట్రాన్స్‌ప్లాంట్‌ శస్త్ర చికిత్స వికటించి ఇద్దరు ఇంజినీర్లు ఇటీవల మృతి చెందారు. ఈ ఘటన ఉత్తరప్రదేశ్‌లోని కాన్పూర్‌లో జరిగింది. వారు ఓ ప్రైవేట్‌ క్లీనిక్‌లో సర్జరీ చేయించుకున్నారని, ఆ తర్వాత రియాక్షన్‌ తలెత్తి మరణించినట్టు బంధువులు చెప్తున్నారు.

మరణానికి గల కారణాలపై పోలీసులు లోతుగా విచారణ చేస్తున్నారు. అయితే ఈ ఘటనతో హెయిర్‌ ట్రాన్స్‌ప్లాంట్‌ సర్జరీలు సురక్షితమా? కాదా? అని సోషల్‌ మీడియాలో చర్చ మొదలైంది. ఈ నేపథ్యంలో నిపుణులు స్పందిస్తూ.. హెయిర్‌ ట్రాన్స్‌ప్లాంట్‌ సర్జరీలు సురక్షితమని స్పష్టం చేస్తున్నారు. అయితే సర్జరీకి వెళ్లే ముందు తగిన జాగ్రత్తలు తీసుకోవాలని, అప్పుడే సురక్షితమని స్పష్టం చేస్తున్నారు.

తీసుకోవాల్సిన జాగ్రత్తలు

• సర్జరీ చేసే నిపుణులు సుశిక్షితులా? కాదా? అనేది నిర్ధారించుకోవాలి.
• సర్జరీకి ముందు కచ్చితంగా సంబంధిత డయాగ్నోస్టిక్‌ పరీక్షలు చేయించుకోవాలి.
• సర్జరీకి మూడు రోజుల ముందు నుంచే ఆల్కహాల్‌కు దూరంగా ఉండాలి. రెండు, మూడు వారాల ముందు నుంచే ధూమపానం మానేయాలి.
• సర్జరీ తర్వాత డాక్టర్‌ చెప్పే సూచనలను తప్పకుండా పాటించాలి.
• సర్జరీకి ముందే మీకు ఉండే అన్ని రకాల అనుమానాలను నివృత్తి చేసుకోవాలి.
• మీకు ఏ విధానంలో సర్జరీ చేస్తున్నారో ముందుగా తెలుసుకొని, అవగాహన పెంచుకోవాలి. దాని వల్ల కలిగే లాభాలు, దుష్ప్రభావాలు కనుక్కోవాలి.
• సర్జరీ తర్వాత వెంట్రుకలు ఏ మేరకు పెరుగుతాయో, అవి ఎంత కాలం వరకు బలంగా ఉంటాయో వంటి వివరాలు తెలుసుకోవాలి.