Watch: పెళ్లి చేసుకోమని కోరిన ప్రియురాలు.. దారుణంగా కొట్టిన ప్రియుడు

ఆ సమయంలో అక్కడున్న కొందరు ఈ దారుణాన్ని కళ్లప్పగించి చూశారు. ఏ ఒక్కరు కూడా ఆ యువతిని కాపాడేందుకు ముందుకు రాలేదు.

భోపాల్‌: పెళ్లి చేసుకోమని కోరిన ప్రియురాలిని ప్రియుడు దారుణంగా కొట్టాడు. ఆమెను కిందపడేసి కాలితో పలుమార్లు తన్నాడు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది. మధ్యప్రదేశ్‌లోని రేవా జిల్లాలో ఈ సంఘటన జరిగింది. గ్రామంలోని రోడ్డుపై ఒక యువ జంట నడుచుకుంటూ వెళ్తున్నది. తనను పెళ్లి చేసుకోవాలని వెంట ఉన్న యువకుడితో యువతి అన్నది. దీంతో అతడు తీవ్ర ఆగ్రహం చెందాడు. మొదట ఆ యువతి చెంపపై కొట్టాడు. ఆ తర్వాత ఆమె జుట్టుపట్టి లాగి కిందకు తోసేశాడు. ఆపై కింద పడిన ఆమెను తన కాళ్లతో దారుణంగా కొట్టాడు. ఆమె కాళ్లు, చేతులతోపాటు ముఖంపైనా కాలితో బలంగా తన్నాడు. దీంతో ఆ యువతి గాయపడింది.

కాగా, ఆ సమయంలో అక్కడున్న కొందరు ఈ దారుణాన్ని కళ్లప్పగించి చూశారు. ఏ ఒక్కరు కూడా ఆ యువతిని కాపాడేందుకు ముందుకు రాలేదు. పైగా తమ వద్ద ఉన్న మొబైల్‌ ఫోన్లలో దీనిని రికార్డ్‌ చేశారు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది. చివరకు రేవా పోలీసుల దృష్టికి ఇది వెళ్లింది. దీంతో సుమోటోగా స్వీకరించి కేసు నమోదు చేశారు. వీడియో క్లిప్‌లోని ఆ జంటను గుర్తించి యువతిపై దాడి చేసిన యువకుడ్ని అరెస్ట్‌ చేసేందుకు ప్రయత్నిస్తున్నారు.

https://twitter.com/Gurjarrrrr/status/1606579059848540161?ref_src=twsrc%5Etfw%7Ctwcamp%5Etweetembed%7Ctwterm%5E1606579059848540161%7Ctwgr%5E08f9dcbd5340168122f662f23e1f199a558d01d1%7Ctwcon%5Es1_c10&ref_url=https%3A%2F%2Fwww.latestly.com%2Fsocially%2Findia%2Fnews%2Fdisturbing-video-man-brutally-thrashes-girlfriend-kicks-her-face-four-times-when-asked-for-marriage-in-madhya-pradeshs-rewa-4629653.html