మండే మోటివేష‌న్ : అప్పుడే జీవితం పూర్తిగా అర్ధ‌మ‌వుతుంద‌న్న ఆనంద్ మ‌హింద్ర‌!

కార్పొరేట్ దిగ్గ‌జం ఆనంద్ మ‌హింద్ర సోష‌ల్ మీడియాలో నిత్యం చురుకుగా ఉంటూ నెటిజ‌న్ల‌లో జోష్ నింపుతూనే స్ఫూర్తిదాయక పోస్ట్‌ల‌ను పెడుతుంటారు.

ముంబై : కార్పొరేట్ దిగ్గ‌జం ఆనంద్ మ‌హింద్ర సోష‌ల్ మీడియాలో నిత్యం చురుకుగా ఉంటూ నెటిజ‌న్ల‌లో జోష్ నింపుతూనే స్ఫూర్తిదాయక పోస్ట్‌ల‌ను పెడుతుంటారు. మండే మోటివేష‌న్ పోస్ట్‌తో పారిశ్రామిక దిగ్గ‌జం వారం ఆరంభంలో నెటిజ‌న్ల‌లో స్ఫూర్తి నింపారు.

You may be able to go in to work on Mondays with a smile on your face if you acknowledge inside yourself that the world’s a madhouse & we’re all a bit crazy. Just make sure you try to be ‘crazy good’ at what you do…! pic.twitter.com/kyw8YRLzxH

— anand mahindra (@anandmahindra) November 28, 2022

మ‌న‌మంద‌రం అమాయ‌కుల‌మ‌ని గ్ర‌హించిన క్ష‌ణం మాత్ర‌మే జీవితం పూర్తిగా అర్ధ‌మ‌వుతుంద‌ని మార్క్ వేన్ ప‌వ‌ర్‌ఫుల్ కోట్‌ను ప్ర‌స్తావిస్తూ ఆయ‌న ఓ పోస్ట్‌ను షేర్ చేశారు. మీరు మీ లోప‌ల ఈ ప్ర‌పంచం ఓ మ్యాడ్‌హౌస్, మ‌న‌మంతా అజ్ఞానుల‌మ‌ని గుర్తిస్తే మీరు సోమ‌వారం మీ ముఖంలో చిరున‌వ్వుతో ప‌నికి వెళ్ల‌వ‌చ్చు..మీరు చేసే ప‌ని కాస్త మెరుగ్గా ఉండేలా చూసుకుంటే చాల‌ని ఈ పోస్ట్‌కు ఆనంద్ మ‌హింద్ర క్యాప్ష‌న్ ఇచ్చారు.

మ‌హింద్ర పోస్ట్‌తో నెటిజ‌న్లు ఏకీభ‌విస్తూ కామెంట్స్ సెక్ష‌న్‌లో ప‌లు వ్యాఖ్య‌లు చేశారు. జీవితమంటే వెలుగుజిలుగుల కాస్ట్యూమ్స్ పార్టీ అని ఓ యూజ‌ర్ రాసుకొచ్చారు. మీరు చెప్పింది నూటికి నూరుపాళ్లు నిజం సార్ అంటూ మ‌రో యూజ‌ర్ కామెంట్ చేశారు.